Surah Saba Ayahs #47 Translated in Khmer

ហើយកាលណាគេសូត្រទៅពួកគេ នូវអាយ៉ាត់ៗយើង ដោយជាក់ច្បាស់ ពួកគេថា នេះ គ្មានអ្វីក្រៅពីបុរសម្នាក់ដែលមានបំណងចង់រារាំងពួកអ្នក អំពីអ្វីដែលជីដូនជីតាពួកអ្នកបានធ្វើសក្ការៈ ប្រណិប័តន៍នោះឡើយ។ ពួកគេថាទៀត នេះគ្មានអ្វីក្រៅពីការភូតកុហកមួយដែលត្រូវគេប្រឌិតនោះ ឡើយ ហើយពួកដែលគ្មានជំនឿនឹងសច្ចភាព បាននិយាយនៅពេលដែលសច្ចភាពបានទៅដល់ពួកគេ នោះថា នេះគ្មានអ្វីក្រៅពីមន្តអាគមន៍មួយដ៏ជាក់ច្បាស់នោះឡើយ

ហើយយើងមិនដែលបានផ្តល់ ទៅពួកគេ នូវគម្ពីរទាំងឡាយដែលពួកគេនឹងសិក្សាគម្ពីរនោះទេ ហើយយើងក៏មិនដែលចាត់បញ្ជូនទៅ ពួកគេនាសម័យកាលមុនអ្នក នូវអ្នកដាស់តឿនណាម្នាក់ដែរ

ហើយបុព្វការីជនរបស់ពួកគេធ្លាប់ បានមួលបង្កាច់ ហើយពួកគេមិនបានដល់ទៅមួយភាគដប់នៃអ្វីដែលយើងបានផ្តល់ទៅពួកបុព្វការីជន នោះដែរ រួចពួកគេបានមួលបង្កាច់ចំពោះរ៉សូលៗរបស់យើង។ ដូចនេះ តើកំហឹងរបស់យើងបានក្លាយ ទៅជាយ៉ាងដូចម្តេចទៅវិញ?

ចូរអ្នកស្រដីទៅថា ការពិតយើងកំពុងទូន្មានពួកអ្នក ដោយប្រការ មួយប៉ុណ្ណោះ គឺសូមពួកអ្នកក្រោកឈរដើម្បីអល់ឡោះ ទោះបីពីរនាក់ឬម្នាក់ឯងក៏ដោយ ក្រោយមក សូមពួកអ្នកជញ្ជឹងត្រិះរិះ។ គ្មានអំពើវិកលណាមួយនៅឯមិត្តភក្តិរបស់ពួកអ្នកនោះទេ។ គេគ្មានអ្វីក្រៅពី អ្នកដាស់តឿនសម្រាប់ពួកអ្នកនៅចំពោះមុខទណ្ឌកម្មមួយដ៏ខ្លាំងក្លាបំផុត

ថាទៅ យើងមិនបានស្នើ សុំដល់ពួកអ្នកនូវថ្លៃឈ្នួលណាមួយទេ គឺវាសម្រាប់ពួកអ្នកប៉ុណ្ណោះ។ ថ្លៃឈ្នួលរបស់យើង គ្មានអ្វីក្រៅ ពីនៅលើអល់ឡោះនោះឡើយ។ ហើយលោកជាសាក្សីនៅលើអ្វីៗទាំងអស់