Surah Muhammad Ayahs #35 Translated in Khmer

ហើយយើងពិតជានឹងសាកល្បង ពួកអ្នក ទាល់តែយើងដឹងចំពោះពួកដែលតស៊ូក្នុងចំណោមពួកអ្នក ព្រមទាំងពួកដែលខន្តី ហើយ យើងនឹងសាកល្បងរឿងរ៉ាវទាំងឡាយរបស់ពួកអ្នក

ការពិតពួកដែលមិនបានជឿ ហើយពួក គេបានរំខានគេពីមាគ៌ាអល់ឡោះ ព្រមទាំងពួកគេប្រឆាំងរឹងរូសនូវរ៉សូល បន្ទាប់ពីមគ្គុទ្ទេសន៍បាន លេចស្តែងសម្រាប់ពួកគេ ពួកគេនឹងមិនអាចផ្តល់ឧបសគ្គអ្វីមួយ ទៅអល់ឡោះបានទេ ហើយ លោកនឹងធ្វើឱ្យអសារបង់ នូវអំពើទាំងឡាយរបស់ពួកគេ

ឱបណ្តាពួកដែលមានជំនឿ ចូរពួក អ្នកប្រតិបត្តិតាមអល់ឡោះ ហើយចូរពួកអ្នកប្រតិបត្តិតាមរ៉សូល ហើយ ចូរពួកអ្នកកុំធ្វើឱ្យអសារ បង់អំពើទាំងឡាយរបស់ពួកអ្នក

ការពិត ពួកដែលអជំនឿ ព្រមទាំងពួកគេបានរំខានគេពី មាគ៌ាអល់ឡោះ ក្រោយមកពួកគេបានស្លាប់ទៅ ទាំងពួកគេជាពួកអជំនឿបំផុតនោះ អល់ឡោះ នឹងមិនអភ័យទោសឱ្យពួកគេទេ

ដូចនេះ ចូរពួកអ្នកកុំបាក់ស?រាតី ហើយចូរកុំអំពាវនាវទៅ កាន់ការចរចា ខណៈដែលពួកអ្នកមានប្រៀបលើ ហើយអល់ឡោះជួយពួកអ្នកឱ្យ ហើយលោកនឹង មិនធ្វើឱ្យខ្វះដល់ពួកអ្នក នូវអំពើទាំងឡាយរបស់ពួកអ្នកឡើយ