Surah Luqman Ayahs #16 Translated in Khmer

ហើយជាការពិតណាស់ យើងបានផ្តល់ឱ្យលុក្មាននូវគតិបណ្ឌិត ចូរអ្នកសំដែងឧបការគុណ ចំពោះអល់ឡោះ។ ហើយជនណាដែលសំដែងឧបការគុណនោះ គឺគេពិតជាសំដែង ឧបការគុណសម្រាប់ខ្លួនគេប៉ុណ្ណោះ ហើយជនណាដែលបានរមិលគុណ។ អល់ឡោះគឺពិត ជាមានជាងគេ ហើយជាទីសរសើរបំផុត

ហើយនៅពេលដែលលុក្មានបាននិយាយ ទៅបុត្រាគេ ដោយគេដាស់តឿនបុត្រាគេថា ឱបុត្រាយើង! ចូរអ្នកកុំស៊ីរិកនឹងអល់ឡោះ ការពិតស៊ីរិក ប្រាកដជាអយុត្តិធម៌សម្បើមណាស់

ហើយយើងបានបង្គាប់មនុស្ស ស្តីពីមាតាបិតាគេ មាតាគេបានពរផ្ទៃគេដោយលំបាកមួយលើលំបាក ហើយផ្តាច់ដោះគេ នៅក្នុងអាយុពីរឆ្នាំ។ ចូរអ្នកសំដែងកតញ្ញុតាចំពោះយើង ហើយនឹងចំពោះមាតាបិតារបស់ អ្នក។ ឆ្ពោះទៅកាន់យើង ជាទីដែលត្រូវត្រឡប់

ហើយប្រសិនបើលោកទាំងពីរបាន បង្ខំអ្នកទៅលើករណីឱ្យអ្នកស៊ីរិកនឹងយើង នូវអ្វីដែលអ្នកពុំដឹងទេនោះ។ ពេលនេះ ចូរ អ្នកកុំប្រតិបត្តតាមលោកទាំងពីរ ក៏ប៉ុន្តែចូរអ្នករាប់អានលោកទាំងពីរក្នុងលោកិយ ដោយ សមរម្យ ហើយចូរអ្នកធ្វើតាមផ្លូវជនដែលបានលំអៀងឆ្ពោះទៅកាន់យើង។ ក្រោយមក ឆ្ពោះទៅកាន់យើងទីដែលត្រឡប់ពួកអ្នក រួចមកយើងនឹងប្រាប់ទៅពួកអ្នក តាមតែអ្វីដែល ពួកអ្នកធ្លាប់បានប្រព្រឹត្ត

ឱបុត្រាយើង! ជាការពិតណាស់ ប្រសិនបើវាមានទម្ងន់ប៉ុន គ្រាប់ស្ពៃ រួចវានៅក្នុងថ្ម ឬនៅឯមេឃទាំងឡាយ ឬនៅក្នុងដី ក៏អល់ឡោះនឹងនាំវាមក ដែរ។ ការពិតអល់ឡោះជាអ្នកដែលទន់ភ្លន់បំផុត ជាអ្នកដែលដឹងបំផុត