Surah Ibrahim Ayahs #12 Translated in Khmer

ហើយមូសាថា ប្រសិន បើពួកអ្នកអជំនឿ ទាំងពួកអ្នក និងទាំងអ្នកដែលមាននៅឯភពផែនដីទាំងអស់ ក៏ អល់ឡោះប្រាកដជាមានបំផុត ហើយជាទីកោតសរសើរបំផុត

តើមិនទាន់បានដល់ ពួកអ្នកទេឬ ព្រឹត្តិការណ៍របស់ពួកបណ្តាអ្នកកាលពីសម័យមុនពួកអ្នក គឺក្រុមរបស់ ណូហ៍ អាទ និងសាម៉ូទ ព្រមទាំងពួកដែលបន្ទាប់ពីពួកគេទាំងនេះ?។ ក្រៅពី អល់ឡោះ គ្មានអ្នកណាដឹងចំពោះពួកទាំងនេះទេ។ រ៉សូលៗរបស់ពួកគេ បានទៅដល់ ពួកគេដោយនាំភស្តុតាងៗ រួចមក ពួកគេបានរុញដៃពួកគេទៅក្នុងមាត់របស់ពួកគេ ហើយថា ពួកយើងពិតជាអជំនឿនឹងអ្វីដែលគេបានចាត់បញ្ជូនអ្នកទាំងឡាយ នាំវា មកនេះ ហើយពួកយើង ពិតជាស្ថិតក្នុងការមន្ទិលសង្ស័យ ដែលស្ទាក់ស្ទើរបំផុតស្តី អំពីអ្វីដែលពួកអ្នកអំពាវនាវពួកយើងនេះ

រ៉សូលៗរបស់ពួកគេថា តើមានការមន្ទិល សង្ស័យឬនៅក្នុងរឿងអល់ឡោះ ដែលជាអ្នកបង្កើតមេឃទាំងឡាយ និងភពផែនដី។ លោកអំពាវនាវពួកអ្នក ដើម្បីលោកនឹងអភ័យទោសឱ្យពួកអ្នក ពីបាបកម្មនានារបស់ ពួកអ្នក ហើយលោកនឹងពន្យារដល់ពួកអ្នក រហូតដល់ពេលកំណត់ណាមួយ។ ពួកគេ ថា ពួកអ្នកគ្មានអ្វីក្រៅពីជាមនុស្សជាតិដូចពួកយើងដែរនោះឡើយ ពួកអ្នកប្រាថ្នានឹង រំខានពួកយើង ពីអ្វីដែលជីដូនជីតារបស់ពួកយើងធ្លាប់បានធ្វើប្រណិប័តន៍។ ដូចនេះ ចូរពួកអ្នកទាំងអស់គ្នានាំមកកាន់ពួកយើង នូវភស្តុតាង?មួយដ៏ច្បាស់លាស់បំផុត

រ៉សូលៗរបស់ពួកគេ បាននិយាយទៅកាន់ពួកគេថា ពួកយើងគឺសុទ្ធតែជាមនុស្សដូច ទៅនឹងពួកអ្នកដែរ ក៏ប៉ុន្តែអល់ឡោះផ្តល់ការុណភាពទៅលើអ្នក ដែលលោកប្រាថ្នាក្នុង ចំណោមពួកដែលគោរពលោក។ យើងគ្មានសិទ្ធិអ្វីនឹងនាំទៅកាន់ពួកអ្នក នូវភស្តុតាង ណាមួយនោះទេ លើកលែងតែដោយការយល់ព្រមរបស់អល់ឡោះ។ ហើយនៅលើ អល់ឡោះ ចូរបណ្តាអ្នកដែលមានជំនឿ ប្រគល់ក្តីស្មោះស្ម័គ្រ

ហើយយើងមាន សិទ្ធិអ្វីដែលយើងមិនប្រគល់ក្តីស្មោះទៅលើអល់ឡោះ ក្នុងករណីដែលលោកបានបង្ហាញ ដល់យើង នូវផ្លូវទាំងឡាយរបស់យើងយ៉ាងប្រាកដ ។ ហើយយើងត្រូវតែអត់ធន់ នៅលើអ្វីដែលពួកអ្នកបានធ្វើទុក្ខបុកម្នេញយើង។ ហើយនៅលើអល់ឡោះ បណ្តាអ្នក ដែលប្រគល់ក្តីស្មោះត្រូវតែប្រគល់ក្តីស្មោះ