Surah Hud Ayahs #95 Translated in Khmer

ពួកគេថា នែ៎សូអែប! យើងមិនទាន់យល់ទេ ភាគច្រើននៃអ្វីដែល អ្នកនិយាយ ហើយយើងពិតជាមើលឃើញអ្នក ជាអ្នកអន់ខ្សោយបំផុតនៅក្នុងពួកយើង ហើយ ប្រសិនបើគ្មានបក្ខសម្ព័ន្ធរបស់អ្នកទេ ប្រាកដជាត្រូវបានយើងគប់អ្នកនឹងដុំថ្មហើយ។ ហើយអ្នក ក៏ពុំមែនជាអ្នកដែលមានពលានុពលលើពួកយើងដែរ

គាត់ថា នែ៎ក្រុមមនុស្សរបស់យើង! តើបក្ខសម្ព័ន្ធរបស់យើង គឺមានពលានុពលលើពួកអ្នកពីអល់ឡោះឬ? ហើយពួកអ្នកយកលោក ដាក់ពីក្រោយពួកអ្នកប៉ែកខាងខ្នងទៅវិញ? ជាការពិតណាស់ ម្ចាស់របស់យើង ជាអ្នកជ្រួតជ្រាប បំផុត នូវអ្វីដែលពួកអ្នកកំពុងតែប្រព្រឹត្ត

នែ៎ក្រុមមនុស្សរបស់យើង! ចូរពួកអ្នកប្រព្រឹត្ត ទៅតាមលទ្ធភាពរបស់ពួកអ្នក ការពិត យើងក៏ជាអ្នកដែលប្រព្រឹត្តដែរ។ ពួកអ្នកគង់តែនឹងដឹង អ្នក ណាម្នាក់ដែលទណ្ឌកម្មមួយនឹងដល់ទៅគេ ដើម្បីនឹងបង្អាប់បង្អោនគេ ហើយអ្នកណាម្នាក់ ដែល គេជាអ្នកដែលភូតកុហក។ ហើយចូរពួកអ្នករង់ចាំមើល ការពិតយើងក៏ជាអ្នកដែលរង់ចាំមើល រួមជាមួយនឹងពួកអ្នកដែរ

ហើយនៅពេលដែលបទបញ្ជារបស់យើងបានមកដល់ យើងបាន រំដោះសូអែប ព្រមទាំងពួកដែលមានជំនឿរួមជាមួយគេ ដោយក្តីអាណិតអាសូរមួយអំពីយើង ហើយសម្រែកបានឆក់យកពួកដែលបានសាងអយុត្តិធម៌ បន្ទាប់មក ពួកគេក៏បានក្លាយជាអ្នកដែល សណ្តូកតៃហោងក្នុងគេហដ្ឋានរបស់ពួកគេ

ប្រៀបបីដូចជាពួកគេ មិនដែលបានរស់នៅទី នោះសោះ។ នែ៎! ក្តីវិនាសចំពោះម៉ាទយ៉ាន ដូចដែលពួកសាម៉ូទបានវិនាស