Surah Hud Ayahs #97 Translated in Khmer

នែ៎ក្រុមមនុស្សរបស់យើង! ចូរពួកអ្នកប្រព្រឹត្ត ទៅតាមលទ្ធភាពរបស់ពួកអ្នក ការពិត យើងក៏ជាអ្នកដែលប្រព្រឹត្តដែរ។ ពួកអ្នកគង់តែនឹងដឹង អ្នក ណាម្នាក់ដែលទណ្ឌកម្មមួយនឹងដល់ទៅគេ ដើម្បីនឹងបង្អាប់បង្អោនគេ ហើយអ្នកណាម្នាក់ ដែល គេជាអ្នកដែលភូតកុហក។ ហើយចូរពួកអ្នករង់ចាំមើល ការពិតយើងក៏ជាអ្នកដែលរង់ចាំមើល រួមជាមួយនឹងពួកអ្នកដែរ

ហើយនៅពេលដែលបទបញ្ជារបស់យើងបានមកដល់ យើងបាន រំដោះសូអែប ព្រមទាំងពួកដែលមានជំនឿរួមជាមួយគេ ដោយក្តីអាណិតអាសូរមួយអំពីយើង ហើយសម្រែកបានឆក់យកពួកដែលបានសាងអយុត្តិធម៌ បន្ទាប់មក ពួកគេក៏បានក្លាយជាអ្នកដែល សណ្តូកតៃហោងក្នុងគេហដ្ឋានរបស់ពួកគេ

ប្រៀបបីដូចជាពួកគេ មិនដែលបានរស់នៅទី នោះសោះ។ នែ៎! ក្តីវិនាសចំពោះម៉ាទយ៉ាន ដូចដែលពួកសាម៉ូទបានវិនាស

យើងបានចាត់ បញ្ជូនមូសាយ៉ាងប្រាកដ ដោយនាំអាយ៉ាត់ទាំងឡាយរបស់យើងមកជាមួយ ព្រមទាំងប្ញទ្ធិអំណាច មួយដ៏ច្បាស់ក្រឡែត

ឆ្ពោះទៅហ្វារ៉ាអុង ព្រមទាំងអ្នកមុខអ្នកការរបស់វា ខណៈនោះ ពួកគេ បានធ្វើតាមបទបញ្ជារបស់ហ្វារ៉ាអុង ហើយបទបញ្ជារបស់ហ្វារ៉ាអុងមិនត្រឹមត្រូវឡើយ