Surah Hud Ayahs #12 Translated in Khmer

ហើយប្រសិនបើយើងបានពន្យារ អំពីពួកគេ នូវទណ្ឌកម្មរហូតដល់រយៈពេលមួយដែលគេកំណត់ ពួកគេប្រាកដជានឹងថា តើអ្វីទៅដែលកំពុងខារខាំងវានោះ? នែ!នាថ្ងៃដែលនឹងទៅដល់ពួកគេនោះ ពុំមែន ត្រូវបំបែរចេញពីពួកគេបានឡើយ ហើយបានគ្របដណ្តប់ពួកគេ ដោយអ្វីដែលពួកគេ ធ្លាប់បានចំអកពេបជ្រាយ

ហើយប្រសិនបើយើងបានផ្តល់រសជាតិទៅមនុស្សនូវក្តី អាណិតអាសូរណាមួយនោះ ក្រោយមក យើងដកចេញវាពីមនុស្សមកវិញ មនុស្ស ប្រាកដជាអស់សង្ឃឹម ហើយអកត្តញ្ញូទៀតផង

ហើយប្រសិនបើយើងបានឱ្យគេ ភ្លក្សរសជាតិនូវសុភមង្គលទាំងឡាយ បន្ទាប់ពីអពមង្គលបានប៉ះពាល់ចំពោះគេ ពួក គេប្រាកដជានឹងនិយាយថា អកុសលបានរលុបបាត់ពីយើងហើយ ។ ការពិត គេប្រាកដ ជាអ្នកដែលរីករាយ ហើយក្អេងក្អាងបំផុត

លើកលែងតែពួកដែលបានអត់ធ្មត់ ហើយបានសាងកុសលទាំងឡាយ សំរាប់ពួកគេទាំងនេះ គឺការអភ័យទោសមួយ ហើយនិងរង្វាន់មួយដ៏ធំសម្បើម

ក្រែងអ្នកជាអ្នកដែលបោះបង់ភាគខ្លះនៃអ្វីដែល គេបានវ៉ាហ៊ីទៅកាន់អ្នក និងទ្រូងរបស់អ្នកចង្អៀតចង្អល់នឹងវ៉ាហ៊ីនោះ ដោយសារតែ សំដីដែលពួកគេបាននិយាយថា ហេតុម្តេចគេមិនដាក់ចុះទៅលើគាត់នូវរតនៈសម្បត្តិ មួយ ឬក៏មិនមានម៉ាឡាអ៊ីកាត់ម្នាក់មកជាមួយគាត់? ការពិតអ្នក គឺត្រឹមតែជាអ្នកដែល ព្រមានម្នាក់តែប៉ុណ្ណោះ។ ហើយអល់ឡោះ គឺជាអ្នកដែលគាំពារលើអ្វីៗទាំងអស់