Surah Hud Ayahs #35 Translated in Khmer

ហើយយើងមិន ដែលនិយាយទៅកាន់ពួកអ្នកថា យើងមានរតនៈសម្បត្តិរបស់អល់ឡោះនោះឡើយ។ យើងមិន ដែលដឹងទេនូវអាថ៌កំបាំង ហើយយើងក៏មិនដែលថា យើងពិតជាម៉ាឡាអ៊ីកាត់ដែរ។ ហើយយើង ក៏មិនដែលនិយាយទៅកាន់ពួកមានជំនឿ ដែលភ្នែករបស់ពួកអ្នកមើលឃើញថោកទាបនោះថា អល់ឡោះនឹងមិនផ្តល់កុសលណាមួយទៅពួកគេនោះដែរ។ អល់ឡោះដឹងបំផុតនូវអ្វីដែលមាននៅ ក្នុងខ្លួនរបស់ពួកគេ។ ពុំនោះសោតទេ យើងពិតជាចំណោមពួកដែលអយុត្តិធម៌

ពួកគេបាន និយាយថា ឱណូហ៍! អ្នកបានឈ្លោះប្រកែកនឹងយើងយ៉ាងប្រាកដ ហើយអ្នកបង្កច្រើនណាស់នូវ ការជំទាស់ប្រកែកនឹងយើង ដូច្នេះ ចូរអ្នកនាំមកកាន់យើងចុះនូវអ្វីដែលអ្នកកំពុងសន្យាចំពោះយើង ប្រសិនបើអ្នកជាអ្នកដែលទៀងត្រង់មែន

គាត់ថា ការពិតអល់ឡោះនឹងនាំសន្យានោះទៅកាន់ ពួកអ្នក ប្រសិនបើលោកប្រាថ្នា ហើយពួកអ្នកពុំមែនជាពួកដែលអាចគេចផុតបានទេ

ការជួយ មតិរបស់យើងនឹងមិនផ្តល់ផលប្រយោជន៍ដល់ពួកអ្នកឡើយ ប្រសិនបើយើងមានបំណងនឹងជួយ មតិចំពោះពួកអ្នក ប្រសិនបើអល់ឡោះមានបំណងនឹងបំភាន់វង្វេងពួកអ្នក។ លោកជាម្ចាស់ របស់ពួកអ្នក ហើយឆ្ពោះទៅកាន់លោក គេនឹងត្រលប់ពួកអ្នកទៅវិញ

ឬមួយពួកគេបាន និយាយថា គាត់ប្រឌិតវា។ ចូរថាទៅ ប្រសិនបើយើងបានប្រឌិតវានោះ គឺយើងត្រូវទទួលទោសពៃរ៍ របស់យើង ការពិតយើងជាអ្នករួចផុតពីអ្វីដែលពួកអ្នកសាងទោសពៃរ៍