Surah At-Tawba Ayahs #89 Translated in Khmer

ហើយចូរកុំឱ្យមានការស្ញប់ស្ញែងដល់អ្នក ដោយ ទ្រព្យធនរបស់ពួកគេ និងបុត្រទាំងឡាយរបស់ពួកគេ។ ការពិតអល់ឡោះមានបំណងតែនឹង ធ្វើទណ្ឌកម្មពួកគេនៅលោកិយនេះ ដោយសារទ្រព្យធន និងបុត្រនោះ ហើយជីវិតពួកគេត្រូវ យកទៅវិញដោយលំបាក ទាំងពួកគេជាពួកដែលគ្មានជំនឿ

ហើយកាលណាគេបានដាក់ ចុះនូវសូរ៉ោះណាមួយថា ចូរពួកអ្នកជឿលើអល់ឡោះ ហើយចូរពួកអ្នកតស៊ូរួមជាមួយរ៉សូល លោក។ ពួកដែលមានមធ្យោបាយប្រយុទ្ធក្នុងចំណោមពួកគេ បានសុំអនុញ្ញាតដល់អ្នក ហើយ ពួកគេថា ចូរអ្នកទុកពួកយើងចុះ ពួកយើងប្រាកដជាមាននៅរួមជាមួយពួកដែលស្ថិតនៅ

បន្ទាប់ពីគេបានចេញដំណើរទៅប្រយុទ្ធ ពួកគេបានពេញចិត្តនឹងមាននៅរួមជាមួយ ពួកដែលនៅសេសសល់ពីក្រោយ ហើយគេបានបិទភ្ជិតទៅលើចិត្តទាំងឡាយរបស់ ពួកគេ រួចមក ពួកគេមិនយល់សោះឡើយ

ក៏ប៉ុន្តែរ៉សូលព្រមទាំងពួកដែល បានជឿរួមជាមួយរ៉សូល បានតស៊ូដោយទ្រព្យធនរបស់ពួកគេ និងខ្លួនប្រាណរបស់ ពួកគេ ហើយពួកគេទាំងនោះ សម្រាប់ពួកគេគឺកុសលទាំងឡាយ ហើយពួកគេទាំង នោះ គឺជាពួកដែលជោគជ័យ

អល់ឡោះបានរៀបចំបំរុងសម្រាប់ពួកគេ នូវ ឋានសួគ៌ាទាំងឡាយ ដែលមានទន្លេជាច្រើនបានហូរកាត់ពីក្រោម ពួកគេស្ថិតនៅ ជាអនន្តកាលក្នុងឋានសួគ៌ានោះ ទាំងនេះ គឺជាការជោគជ័យដ៏មហាធំធេង