Surah At-Tawba Ayahs #40 Translated in Khmer

ប្រាកដណាស់ ការរាប់ខែនៅឯអល់ឡោះ គឺដប់ពីរខែ នៅ ក្នុងបញ្ញត្តិរបស់អល់ឡោះ នាថ្ងៃដែលលោកបានបង្កើតមេឃ និងដី ក្នុងចំនួននោះ មានបួនខែដែលពិសិដ្ឋ។ ទាំងនេះ គឺសាសនាដ៏ត្រឹម ត្រូវ ហេតុនេះ នៅក្នុងអំឡុងបួនខែនេះ ចូរពួកអ្នកកុំប្រព្រឹត្តកំហុស ឆ្គងចំពោះខ្លួនរបស់ពួកអ្នកផ្ទាល់។ ចូរពួកអ្នកប្រយុទ្ធនឹងពួកស្ហីរិក ជា ទូទៅ ដូចដែលពួកគេបានប្រយុទ្ធនឹងពួកអ្នកជាទូទៅដែរ ហើយចូរ ពួកអ្នកជ្រាបចុះ អល់ឡោះពិតជារួមជាមួយពួកគោរពកោតខ្លាច

ពិតប្រាកដ ការលើកខែបំរាមទៅខែមួយផ្សេងទៀតនោះ គឺជាការបន្ថែមក្នុង ភាពអជំនឿ ដែលនាំឱ្យពួកអជំនឿទៅកាន់ការបំភាន់វង្វេង។ ពួកគេអនុញ្ញាត រយៈពេលមួយឆ្នាំ និងហាមឃាត់រយៈពេលមួយឆ្នាំផ្សេងទៀត ដើម្បីឱ្យពួកគេ នឹងកែប្រែចំនួនខែដែលអល់ឡោះបានហាមឃាត់ រួចមក ពួកគេនឹងអនុញ្ញាត ខែដែលអល់ឡោះបានហាមឃាត់។ គេបានតាក់តែងសម្រាប់ពួកគេ នូវអកុសល នៃអំពើទាំងឡាយរបស់ពួកគេ អល់ឡោះនឹងមិនមគ្គុទ្ទេសឡើយ ចំពោះក្រុម មនុស្សអជំនឿ

ឱពួកដែលបានជឿ! កាលណាគេបាននិយាយទៅកាន់ពួក អ្នកថា ចូរពួកអ្នកស្ទុះចេញទៅប្រយុទ្ធក្នុងផ្លូវអល់ឡោះ ហេតុម្តេចបានជាពួក អ្នកមានភាពធ្ងន់ធ្ងរល្វើយនៅឯដី? តើពួកអ្នកពេញចិត្តនឹងជីវិតលោកិយ ជាង លោកខាងមុខឬ? គឺភាពត្រេកត្រអាលនៃជីវិតលោកិយ បើធៀបទៅនឹងលោក ខាងមុខ គឺគ្មានអ្វីក្រៅពីបន្តិចបន្តួចបំផុតនោះទេ

ប្រសិនបើពួកអ្នកមិន ព្រមស្ទុះចេញទៅប្រយុទ្ធទេ លោកនឹងធ្វើទណ្ឌកម្មពួកអ្នក នូវទណ្ឌកម្មដ៏ខ្លោច ផ្សាបំផុត ហើយលោកនឹងផ្លាស់ប្តូរឱ្យក្រុមមនុស្សមួយ ដែលក្រៅពីពួកអ្នក រួច ពួកអ្នកមិនអាចផ្តល់ឧបសគ្គទៅក្រុមមនុស្សនោះបានឡើយ អល់ឡោះជាអ្នក ដែលមានលទ្ធភាពបំផុតលើគ្រប់វត្ថុទាំងអស់

ប្រសិនបើពួកអ្នកមិនជួយ មូហាំម៉ាត់ទេ ក៏អល់ឡោះប្រាកដជាបានជួយគេដែរ គឺក្នុងពេលដែលពួក អជំនឿបាននិរទេសគេ ជាអ្នកទីពីរនៃមនុស្សពីរនាក់ ក្នុងខណៈដែលគេទាំងពីរ នាក់នៅក្នុងគុហា គឺនៅពេលដែលគេនិយាយទៅកាន់គូកនគេថា ចូរអ្នកកុំ ព្រួយបារម្ភ អល់ឡោះពិតជារួមជាមួយនឹងយើង ពេលនោះអល់ឡោះក៏បាន ដាក់ចុះនូវភាពនឹងនររបស់លោកទៅលើគេ ហើយលោកបានគាំទ្រគេ ដោយ កងទ័ព (ម៉ាឡាអ៊ីកាត់) ដែលពួកអ្នកមិនអាចមើលឃើញកងទ័ពនោះទេ ហើយ លោកបានចាត់សំដីពួកដែលអជំនឿឱ្យនៅពីក្រោម។ រីឯសំដីរបស់អល់ឡោះ គឺនៅខាងលើ ហើយអល់ឡោះជាអ្នកពលានុពល ជាអ្នកមហាគតិបណ្ឌិត