Surah At-Tawba Ayahs #126 Translated in Khmer

ពួកដែលមានជំនឿពុំចាំបាច់ចេញទៅប្រយុទ្ធទាំងអស់គ្នានោះទេ។ ចុះហេតុអ្វីពី គ្រប់កុលសម្ព័ន្ធនៃពួកគេ មិនមានមួយក្រុមចេញទៅ ដើម្បីពួកគេនឹងសិក្សាស្វែង យល់ក្នុងសាសនា និងដើម្បីពួកគេដាស់តឿនក្រុមពួកគេ នៅពេលដែលក្រុម គេនោះ បានត្រលប់ទៅកាន់ពួកគេវិញ ដើម្បីកុំឱ្យពួកនោះកោតស្ញប់ស្ញែង

ឱពួកដែលមានជំនឿ! ចូរឱ្យពួកអ្នកប្រយុទ្ធនឹងពួកអជំនឿ ដែលកំពុងមាន នៅជិតពួកអ្នក ហើយចូរឱ្យពួកគេមានភាពគ្រោតគ្រាតចុះនៅក្នុងពួកអ្នក។ ហើយពួកអ្នកចូរជ្រាបថា អល់ឡោះពិតជារួមជាមួយពួកដែលគោរពកោត ខ្លាច

ហើយកាលណាគេបានដាក់ចុះនូវអត្ថបទមួយ ពេលនោះ ក្នុង ចំណោមពួកគេ មានអ្នកនិយាយថា តើអត្ថបទនេះបានកើនជំនឿដល់ជនណា ខ្លះក្នុងចំណោមពួកអ្នក។ ខណៈនោះ ពួកដែលបានជឿពិតអត្ថបទនោះ បាន ធ្វើឱ្យកើនជំនឿដល់ពួកគេ ហើយពួកគេកំពុងសប្បាយរីករាយ

រីឯពួក ដែលក្នុងចិត្តរបស់ពួកគេមានជំងឺវិញ ពេលនោះ អត្ថបទបានធ្វើឱ្យប្រឡាក់ ថែមលើភាពស្មោគគ្រោករបស់ពួកគេ ហើយពួកគេបានចូលមរណកាល ទាំងពួកគេជាពួកដែលអជំនឿ

តើពួកគេមិនឃើញទេឬថា ពួកគេ ពិតជាកំពុងត្រូវគេសាកល្បងក្នុងមួយឆ្នាំៗមានមួយដង ឬពីរដង បន្ទាប់មក ពួកគេនៅតែមិនមានវិប្បដិសារី ហើយពួកគេក៏នៅតែមិននឹកឃើញទៀត