Surah At-Tawba Ayahs #112 Translated in Khmer

ចូរអ្នកកុំបញ្ឈរ សឡាតិ៍ក្នុងវិហារនោះជារៀងរហូត។ តាមពិតវិហារមួយ ដែលគេបានចាក់គ្រឹះ នៅលើការគោរពកោតខ្លាច តាំងពីថ្ងៃដំបូងមកនោះ ប្រសើរជាងអ្នកដែល បញ្ឈរសឡាតិ៍ក្នុងនោះ។ ក្នុងវិហារនោះ មានបុរសជាច្រើនចូលចិត្តជំរះសំអាត កាយ ហើយអល់ឡោះស្រឡាញ់ពួកដែលជំរះសំអាតកាយ

តើជនដែល បានចាក់គ្រឹះស្ថាបនាវិហារនៅលើការគោរពកោតខ្លាចពីអល់ឡោះ និងដោយ ការយល់ព្រមពីអល់ឡោះនោះ គឺល្អប្រសើរជាង ឬមួយជនដែលបានចាក់គ្រឹះ ស្ថាបនាវិហារនៅលើមាត់ច្រាំងស្រុតមួយ រួចមកច្រាំងនោះបានស្រុតដួល ទាំង ជននោះទៅក្នុងនរកយមលោកឬ?។ ហើយអល់ឡោះ មិនមគ្គុទ្ទេសឡើយ ចំពោះក្រុមមនុស្សដែលបំពាន

សំណង់របស់ពួកគេដែលពួកគេបានស្ថាបនា នោះ តែងតែជាប្រភពជម្ងឺស្ទាក់ស្ទើរក្នុងទឹកចិត្តរបស់ពួកគេ ទាល់តែទឹកចិត្តរបស់ ពួកគេបានជញ្ជែងខ្ទេច ហើយអល់ឡោះជាអ្នកដឹង ជាអ្នកគតិបណ្ឌិតបំផុត

ការពិតអល់ឡោះបានទិញពីអ្នកមានជំនឿ នូវខ្លួនប្រាណពួកគេផ្ទាល់ និងទ្រព្យ ធនពួកគេ ដោយស្ថានសួគ៌ ដែលពិតជាត្រូវបានទៅពួកគេ។ ពួកគេកំពុងប្រយុទ្ធ ក្នុងផ្លូវរបស់អល់ឡោះ ពេលនោះពួកគេធ្វើពិឃាត និងត្រូវបានគេពិឃាត។ គឺ ជាការសន្យាមួយលើលោក ប្រកបដោយភាពពិតប្រាកដក្នុងតាវរ៉ាត អិនជីល និងគួរអាន តើជនណាម្នាក់ដែលបានបំពេញការសន្យារបស់លោក ជាងអល់ឡោះ ទៅទៀត ? ដូចនេះ ចូរពួកអ្នករីករាយចុះនឹងការលក់ដូររបស់ពួកអ្នក ដែលពួក អ្នកបានលក់ដូរនោះ ហើយទាំងនេះ វាគឺជាការជោគជ័យមួយដ៏ធំសម្បើម

ពួកទទួលកំហុស ពួកប្រណិប័តន៍ ពួកសរសើរស្ញប់ស្ញែង ពួកត្រាច់ចរសាសនា ឬពួកសោម ពួកដែលរូកុ ពួកដែលសូជោត ពួកដែលបង្គាប់ឱ្យសាងអំពើល្អ ពួក ដែលហាមឃាត់ពីអំពើអាក្រក់ ហើយនិងពួកដែលរក្សាបញ្ញត្តិៗរបស់អល់ឡោះ ចូរពួកអ្នកជូនក្តីរីករាយទៅចំពោះពួកដែលមានជំនឿ