Surah Ar-Rad Ayahs #34 Translated in Khmer

ប្រៀបដូចទាំងនេះ យើងបានចាត់បញ្ជូនអ្នកនៅក្នុងសហគមន៍មួយ សហគមន៍ជាច្រើនពិតជាបានកន្លងផុតទៅកាលពីមុននេះ ដើម្បីអ្នកនឹងសូត្រទៅលើពួកគេនូវអ្វី ដែលយើងបានវ៉ាហ៊ីទៅកាន់អ្នក ទាំងពួកគេអជំនឿនឹងម្ចាស់ដែលមហាសប្បុរស។ ចូរថាទៅ លោកពិតជាម្ចាស់របស់យើង គ្មានម្ចាស់ណាម្នាក់ក្រៅពីលោកទេនៅលើលោក យើងបានប្រគល់ ការស្មោះស្ម័គ្រ ហើយឆ្ពោះទៅកាន់លោក ជាទីវិលវិញរបស់យើង

ជាការពិតណាស់ គម្ពីរ អាល់គួរអាននេះ ទោះបីដោយសារគម្ពីរនេះ ភ្នំគិរីទាំងឡាយត្រូវបានរំកិលដំណើរ ភពផែនដី ត្រូវបានកាត់ផ្តាច់ មនុស្សដែលស្លាប់ទៅហើយ ត្រូវគេសំណេះសំណាលក៏ដោយ។ ការពិត កិច្ចការទាំងអស់នោះ គឺជាកម្មសិទ្ធិរបស់អល់ឡោះ។ តើពួកដែលមានជំនឿនៅតែមិនទាន់អស់ ចិត្តទេឬថា ប្រសិនបើអល់ឡោះប្រាថ្នា លោកប្រាកដជាមគ្គុទ្ទេសផ្លូវចិត្តមនុស្សទាំងអស់យ៉ាង ប្រាកដ? ពួកដែលអជំនឿមិនដែលផុតទេពីអំពើវិនាសកម្ម ដែលនឹងប៉ះត្រូវពួកគេ ដោយសារតែអ្វី ដែលពួកគេបានប្រព្រឹត្ត ឬយ៉ាងហោចណាស់ ក៏អំពើនោះនឹងធ្លាក់ទៅជិតគេហដ្ឋានរបស់ពួក គេដែរ ទាល់តែការសន្យារបស់អល់ឡោះបានទៅដល់ លោកពិតជានឹងមិនធ្វើឱ្យខុសសន្យាឡើយ

ហើយគេបានចំអកដាក់រ៉សូលៗយ៉ាងប្រាកដ នៃរ៉សូលកាលពីសម័យមុនអ្នក រួចមក យើងបាន បណ្តែតបណ្តោយឱ្យពួកដែលអជំនឿ ក្រោយមក យើងយកទោសពួកគេ។ ដូច្នេះ តើទណ្ឌកម្ម របស់យើងយ៉ាងដូចម្តេច?

ដូចនេះ តើអ្នកណាដែលជាអ្នករ៉ាប់រងលើគ្រប់រូប តាមតែអ្វី ដែលរូបនោះបានខិតខំធ្វើឡើង? ហើយពួកគេបែរជាបង្កើតវត្ថុៗស៊ីរិកនឹងអល់ឡោះទៅវិញ។ ចូរ ថាទៅ ចូរពួកអ្នកប្រសិទ្ធិនាមវត្ថុៗស៊ីរិកទាំងនោះទៅ។ ឬមួយពួកអ្នកនឹងឱ្យដំណឹងទៅលោកវិញ នូវអ្វីដែលលោកមិនដឹងនៅឯភពផែនដី ឬមួយដោយការលេចធ្លោឡើងនៃពាក្យសំដី។ ការពិត គេបានតាក់តែងសម្រាប់ពួកដែលអជំនឿ នូវកលល្បិចរបស់ពួកគេ ហើយពួកគេក៏ត្រូវបានរំខាន ពីផ្លូវត្រូវដែរ។ ជនណាដែលអល់ឡោះបន្សាត់វង្វេងនោះ គ្មានទេសំរាប់ជននោះនៃអ្នកមគ្គុទ្ទេសក៍ ណាម្នាក់

សំរាប់ពួកគេ គឺទណ្ឌកម្មមួយនៅក្នុងជីវិតលោកិយ ហើយទណ្ឌកម្មលោកខាងមុខ គឺធ្ងន់ធ្ងរជាង ហើយគ្មានទេសំរាប់ពួកគេ នៃអ្នកការពារណាម្នាក់អំពីអល់ឡោះបានដែរ