Surah An-Nur Ayahs #29 Translated in Khmer

នៅថ្ងៃនោះអល់ឡោះនឹង បំពេញជូនពួកគេ នូវរង្វាន់របស់ពួកគេដ៏សច្ចៈ ហើយពួកគេនឹងដឹងថា អល់ឡោះ លោកពិតជាសច្ចៈ ជាក់ច្បាស់បំផុត

ពួកនារីអាក្រក់សម្រាប់ពួកបុរសអាក្រក់ ហើយពួកបុរសអាក្រក់សម្រាប់ពួកនារីអាក្រក់។ ពួកនារីល្អសម្រាប់ពួកបុរសល្អ ហើយពួកបុរសល្អ សម្រាប់ពួកនារីល្អ ពួកទាំងនេះហើយ ដែលត្រូវចាកផុតពីអ្វី ដែលពួកគេកំពុងនិយាយ សម្រាប់ពួកគេគឺការអភ័យទោស និងប្រតិលាភដ៏ មហាថ្លៃថ្នូរ

ឱពួកដែលមានជំនឿ! ចូរពួកអ្នកកុំចូលទៅគេហដ្ឋានណាមួយ ក្រៅពីគេហដ្ឋានពួកអ្នក ទាល់តែពួកអ្នកសុំអនុញ្ញាត និងឱ្យសាឡាមចំពោះម្ចាស់ គេហដ្ឋាន។ ធ្វើដូចនេះ គឺជាកុសលសម្រាប់ពួកអ្នក ដើម្បីពួកអ្នកនឹកឃើញ

ប៉ុន្តែប្រសិនបើពួកអ្នកឥតប្រទះឃើញជនណាម្នាក់ នៅក្នុងគេហដ្ឋាននោះទេ ពេលនោះ ចូរពួកអ្នកកុំចូលទៅក្នុងគេហដ្ឋាននោះ លុះត្រាគេអនុញ្ញាតឱ្យពួកអ្នក។ ហើយបើសិនគេ បាននិយាយទៅកាន់ពួកអ្នកថា ចូរពួកអ្នកត្រឡប់ទៅវិញ នៅពេលនោះ ពួកអ្នកត្រូវតែ ត្រឡប់ទៅវិញ។ គឺជាការស្អាតស្អំបំផុតសម្រាប់ពួកអ្នក។ ហើយអល់ឡោះជាអ្នកដែលដឹង នូវអ្វីៗដែលពួកអ្នកកំពុងប្រព្រឹត្ត

ឥតមានទោសពៃរ៍ណាមួយលើពួកអ្នកទេ ដែលពួក អ្នកចូលទៅកាន់គេហដ្ឋានៗ ដែលគ្មានគេស្នាក់នៅក្នុងគេហដ្ឋាននោះមានរបស់ទ្រព្យ កម្មសិទ្ធិពួកអ្នក។ ហើយអល់ឡោះជាអ្នកដឹងនូវអ្វីដែលពួកអ្នកកំពុងលាតបង្ហាញ និងអ្វី ដែលពួកអ្នកកំពុងលាក់បំបាំង