Surah An-Nisa Ayahs #174 Translated in Khmer

ឱមនុស្សទាំងឡាយ! ជាការពិតណាស់រ៉សូលបានទៅដល់ពួកអ្នកដោយនាំរឿងពិតពីម្ចាស់របស់ពួកអ្នក ហេតុនេះចូរពួកអ្នកជឿចុះព្រោះវាជាការល្អសម្រាប់ពួកអ្នក។ តែបើសិនពួកអ្នកមិនជឿទេនោះ ក៏អល់ឡោះមានអ្វីៗដែលនៅឯមេឃ និងឯដីដែរ។ អល់ឡោះជាអ្នកដឹងបំផុត មហាគតិបណ្ឌិត

ឱក្រុមអះលីគីតាប! ពួកអ្នកមិនត្រូវពន្លើសនៅក្នុងរឿងសាសនាពួកអ្នក ហើយពួកអ្នកក៏មិនត្រូវនិយាយទៅលើអល់ឡោះក្រៅពីរឿងពិតដែរ។ ការពិតម៉ាសៀហអ៊ីសាបុត្រាម៉ារីយ៉ាំ គឺជារ៉សូលរបស់អល់ឡោះ និងជាសម្តីរបស់លោកដែលលោកបានដាក់សម្តីនោះទៅម៉ារីយ៉ាំ និងជាព្រលឹងមួយមកពីលោកប៉ុណ្ណោះ។ ហេតុនេះចូរពួកអ្នកជឿនឹងអល់ឡោះ និងរ៉សូលលោក ហើយពួកអ្នកមិនត្រូវថា(ម្ចាស់)“បី”ទេ។ ពួកអ្នកត្រូវឈប់វាជាការល្អសំរាប់ពួកអ្នក។ ការពិតអល់ឡោះគឺជាម្ចាស់តែមួយគត់ប៉ុណ្ណោះ។ មហាគតិគុណលោក លោកគ្មានកូនប្រុសទេកម្មសិទ្ធិលោកគឺអ្វីៗដែលនៅឯមេឃ និងអ្វីដែលនៅឯដី។ ហើយគ្រប់គ្រាន់ណាស់ អល់ឡោះជាអ្នកគាំពារ

ម៉ាសៀហមិនដែលអួតអាងប្រកែកដែលខ្លួនជាខ្ញុំម្នាក់របស់អល់ឡោះនោះទេ ហើយពួកម៉ាឡាអ៊ីកាត់ដ៏ជិតស្និទ្ធក៏យ៉ាងដូច្នោះដែរ។ ជនដែលប្រកែកពីអំពើប្រណិប័តន៍លោក ហើយលើកតំកើងខ្លួន លោកនឹងប្រមូលពួកគេទៅកាន់លោកទាំងអស់

រីឯពួកដែលបានជឿនិងបានសាងអំពើកុសល លោកនឹងបំពេញឱ្យពួកគេនូវរង្វាន់ពួកគេ ហើយលោកនឹងបន្ថែមទៅពួកគេនូវក្តីអនុគ្រោះពីលោក។ រីឯពួកដែលបានប្រកែកនិងលើកតម្កើងខ្លួន លោកនឹងធ្វើ ទោសពួកគេនូវទណ្ឌកម្មដ៏ខ្លោចផ្សាបំផុត ហើយពួកគេគ្មានអ្នកគាំពារណាម្នាក់ក្រៅពីអល់ឡោះទេ ហើយក៏គ្មានជំនួយការម្នាក់ដែរ

ឱមនុស្ស! សំអាងមួយមកពីម្ចាស់ពួកអ្នក ពិតជាបានមកដល់ពួកអ្នក រួចយើងក៏បានបញ្ចុះទៅឱ្យពួកអ្នក នូវរស្មីមួយដ៏ត្រចះត្រចង់បំផុត