Surah An-Nahl Ayahs #33 Translated in Khmer

ដូច្នេះ ចូរពួក អ្នកចូលទៅក្នុងទ្វារទាំងឡាយរបស់នរកឆាបឆេះ ដោយអនន្តកាលនៅក្នុងនរកនោះ។ គឺ អាក្រក់បំផុតទីជ្រកកោនរបស់ពួកដែលកាន់ឫកក្អេងក្អាង

ហើយគេបាននិយាយទៅ កាន់ពួកដែលបានកោតខ្លាចថា តើអ្វីខ្លះដែលបានដាក់ចុះដោយម្ចាស់របស់អ្នកទាំងឡាយ? ពួកគេបាននិយាយថា ជាកុសលមួយ។ សម្រាប់ពួកដែលបានសាងកុសលនៅក្នុងលោកិយ នេះគឺកុសលមួយ ហើយនៅគេហដ្ឋានរបស់លោកខាងមុខគឺប្រសើរជាង។ ហើយប្រសើរ បំផុត គេហដ្ឋានរបស់ពួកដែលកោតខ្លាច

ឋានសួគ៌ាទាំងឡាយនៃរម្យស្ថាន ដែល ពួកគេនឹងចូលទៅកាន់ទីនោះ មានទន្លេជាច្រើនហូរកាត់ពីក្រោមនោះ។ ពួកគេ មាននូវអ្វី ដែលពួកគេប្រាថ្នាចង់បាន ប្រៀបដូចនេះហើយ ដែលអល់ឡោះនឹងជូនរង្វាន់ចំពោះពួក ដែលកោតខ្លាច

គឺពួកដែលពួកម៉ាឡាអ៊ីកាត់នឹងបញ្ចប់ជីវិតពួកគេ ទាំងការស្អាតស្អំ ពួកគេនឹងថា សុខសប្បាយលើពួកអ្នក សូមពួកអ្នកចូលទៅកាន់ស្ថានសួគ៌ា ដោយសារតែអ្វី ដែលពួកអ្នកធ្លាប់បានសាងនោះ

ពួកគេមិនរង់ចាំអ្វីក្រៅពីម៉ាឡាអ៊ីកាត់នឹងទៅដល់ ពួកគេទេ ឬក៏បទបញ្ជារបស់ម្ចាស់អ្នកនឹងទៅដល់នោះឡើយ ប្រៀបដូចទាំងនេះដែរ ដែល ពួក នាសម័យមុនពួកគេបានប្រព្រឹត្តនោះ។ ហើយអល់ឡោះមិនបានបំពារបំពានចំពោះពួក គេទេ ក៏ប៉ុន្តែពួកគេធ្លាប់បានបំពារបំពានចំពោះខ្លួនឯងផ្ទាល់