Surah Al-Qasas Ayahs #80 Translated in Khmer

ជាការពិតណាស់ករូន គឺក្នុងចំណោម ក្រុមមនុស្សរបស់មូសា រួចមក គេបានបំពារបំពានទៅលើពួកគេ ហើយយើង បានផ្តល់ទៅគេនៃរតនសម្បត្តិ ដែលកូនសោររបស់វា ពិតជាបន្ទុកធ្ងន់ទៅលើក្រុម អ្នកដែលមានអានុភាព។ នៅពេលដែលក្រុមមនុស្សរបស់គេនិយាយទៅកាន់គេ ថា អ្នកកុំហ៊ឺហាពេក អល់ឡោះពិតជាមិនចូលចិត្តទេពួកដែលហ៊ឺហា

ហើយ ចូរអ្នកស្វែងរកលំនៅអវសាន នៅក្នុងអ្វីដែលអល់ឡោះបានផ្តល់ឱ្យអ្នក។ ហើយ ចូរអ្នកកុំភ្លេចនូវចំណែករបស់អ្នកនៃលោកិយនេះ។ ហើយចូរអ្នកសាងកុសល ដូចដែលអល់ឡោះបានសាងកុសលចំពោះអ្នក។ ហើយចូរអ្នកកុំស្វែងរកអំពើខូច ខាតនៅក្នុងទឹកដី។ អល់ឡោះពិតជាមិនចូលចិត្តពួកដែលធ្វើឱ្យខូចខាតទេ

ករូនថា ការពិតគេបានផ្តល់មកយើង នូវរតនសម្បត្តិនេះ នៅលើតំរេះមួយ ដែលមាន នៅយើងស្រាប់តែប៉ុណ្ណោះ។ តើគេមិនទាន់ដឹងទេឬថា អល់ឡោះពិតជាបានធ្វើឱ្យ វិនាសយ៉ាងប្រាកដក្នុងសម័យកាលមុនករូននោះ នៃក្រុមមនុស្សដែលគេជាជនខ្លាំង ក្លាជាងករូនខាងអនុភាពឱ្យនិងច្រើនជាងខាងការប្រមូលទ្រព្យ? ហើយគេក៏នឹងមិន ជជីកសួរពួកឧក្រិដ្ឋជន ស្តីពីបាបកម្មៗរបស់ពួកគេឡើយ

ក្រោយមកករូនក៏បាន ចេញទៅលើក្រុមមនុស្សរបស់គេ ក្នុងភាពហ៊ឹកហ៊ាក់របស់គេ។ ពួកដែលប្រាថ្នាតែ ការរស់នៅលោកិយថា អូហ៍! ធ្វើម្តេចយើងមានដូចអ្វីដែលគេបានផ្តល់ឱ្យករូន។ គេ ពិតជាអ្នកដែលប្រកបដោយជោគវាសនាមួយដ៏ធំក្រៃលែង

ហើយពួកដែលគេ បានផ្តល់នូវតំរេះវិជ្ជាថា អនិច្ចាពួកអ្នក! រង្វាន់របស់អល់ឡោះប្រសើរជាងសម្រាប់ អ្នកដែលបានជឿ និងបានសាងកុសល ហើយគេនឹងមិនឱ្យជួបនឹងវាឡើយ លុះត្រា តែចំពោះពួកដែលអត់ធ្មត់