Surah Al-Qasas Ayahs #31 Translated in Khmer

បិតានោះថា ការពិតយើង បំណងនឹងផ្សំផ្គុំអ្នក នូវមួយនាក់ក្នុងចំណោមកូនស្រីយើងទាំង ពីរនាក់នេះ ឱ្យតែអ្នកធ្វើការឱ្យយើងក្នុងរយៈប្រាំបីឆ្នាំ បើអ្នកបំពេញបានដប់ ឆ្នាំនោះ គឺដោយការស្មគ្រ័របស់អ្នក។ តែយើងគ្មានបំណងនឹងធ្វើឱ្យលំបាក លើអ្នកទេ។ បើអល់ឡោះមានបំណង អ្នកគង់តែនឹងឃើញយើងក្នុងចំណោម ពួកអ្នកកុសល

មូសាឆ្លើយថា ទាំងនេះគឺរវាងខ្ញុំនិងរវាងអ្នក មួយណាក៏ ដោយនៃកាលកំណត់ទាំងពីរនោះ ដែលខ្ញុំសម្រេចបាន គ្មានទុក្ខទោសមក លើខ្ញុំដែរឱ្យ ហើយអល់ឡោះរ៉ាប់រងលើអ្នកដែលពួកយើងកំពុងតែនិយាយ

ក្រោយមក ពេលមូសាសម្រេចកាលកំណត់ហើយ គេបាននាំភរិយាធ្វើដំណើរ ទៅ។ គេបានឃើញនៅឯភ្នំតួរ៍ ទំនងជាមានភ្លើង។ គេបាននិយាយទៅកាន់ ភរិយាគេថា ចូរពួកអ្នកឈប់សម្រាកសិន ការពិតយើងឃើញថា មានភ្លើង រំពឹងថា យើងនាំមកកាន់ពួកអ្នកពីទីនោះ នូវដំណឹងមួយឬអង្គត់មួយដុំអំពីភ្លើង ដើម្បីពួកអ្នកនឹងកំដៅខ្លួន

លុះនៅពេលដែលគេបានទៅដល់ភ្លើងនោះ គេបានស្រែកហៅគេពីជាយទំនាបខាងស្តាំ ក្នុងតំបន់ដ៏ជាទីប្រសិទ្ធិអំពីដើម ឈើថា នែ៎មូសា ការពិត យើងគឺអល់ឡោះម្ចាស់លោកទាំងមូល

ហើយ សូមឱ្យអ្នកបោះដំបងរបស់អ្នក។ រួចមក នៅពេលដែលគេបានឃើញដំបង នោះកំពុងកំរើកគ្រវី ប្រៀបដូចជាសត្វពស់មួយ គេក៏បានបែរខ្នង ហើយគេ នឹងមិនត្រឡប់វិញទេ នែ៎មូសា ចូរអ្នកបែរមកវិញ ហើយអ្នកកុំខ្លាច។ អ្នកពិត ជាចំណោមពួកអ្នកដែលមានសុវត្ថិភាព