Surah Al-Maeda Ayahs #96 Translated in Khmer

ហើយចូរពួកអ្នកគោរពតាមអល់ឡោះ និងគោរពតាមរ៉សូល ហើយពួកអ្នកត្រូវប្រុង ប្រយ័ត្ន។ ប្រសិនបើពួកអ្នកបានងាកចេញ ពួកអ្នកត្រូវដឹងថា ការពិតរ៉សូលមានតែ ភារកិច្ចផ្តល់សារដ៏ជាក់លាក់ប៉ុណ្ណោះ

ពុំមែនជាទោសពៃរ៍លើពួកដែលបានជឿ និង បានសាងអំពើល្អឡើយ ក្នុងអ្វីដែលពួកគេបានបរិភោគរួចមកហើយ កាលណាពួកគេ បានគោរពកោតខ្លាច បានជឿ និងបានសាងអំពើល្អ ក្រោយមក ពួកគេបានគោរព កោតខ្លាច ហើយបានជឿ ក្រោយមក ពួកគេបានគោរពកោតខ្លាច និងបានសាងអំពើ សប្បុរស។ អល់ឡោះស្រឡាញ់ពួកសប្បុរសជន

ឱពួកដែលបានជឿ! អល់ឡោះ ប្រាកដជានឹងសាកល្បងពួកអ្នកដោយសត្វប្រមាញ់ខ្លះ ដែលងាយនឹងចាប់វាបានដោយ ដៃ និងលំពែងពួកអ្នក។ ដើម្បីអល់ឡោះនឹងដឹងចំពោះអ្នកណាដែលកោតខ្លាចលោក ដោយស្ងាត់កំបាំង។ អ្នកដែលបានបំពានបន្ទាប់ពីនេះ អ្នកនោះត្រូវទណ្ឌកម្មដ៏ខ្លោចផ្សា បំផុត

ឱពួកដែលបានជឿ! ចូរពួកអ្នកកុំសម្លាប់សត្វប្រមាញ់ក្នុងពេលពួកអ្នកកំពុង អិហរ៉ម។ ក្នុងចំណោមពួកអ្នក ជនណាបានសម្លាប់សត្វនោះដោយចេតនា គឺត្រូវសង ដោយសត្វពាហនៈ ដូចសត្វអ្វីដែលខ្លួនបានសម្លាប់ ដែលនឹងវិនិច្ឆ័យរឿងនេះ ដោយ មនុស្សពីរនាក់ដែលយុត្តិធម៌ក្នុងចំណោមពួកអ្នក ជាសត្វហ័ទយ៉ះមួយ ដែលនឹងទៅដល់ កាក់ពះ ឬការពិន័យជាអាហារអ្នកក្រ ឬសោមស្មើជំនួននោះ (ដប់ថ្ងៃ) ដើម្បីឱ្យជននោះ ភ្លក់រសជាតិបច្ច័យអាក្រក់ពីអំពើរបស់ខ្លួន។ អល់ឡោះបានអត់ឱនពីអ្វីដែលបានកន្លង ផុតទៅ។ ជនណាហើយដែលបានវិលទៅធ្វើទៀត អល់ឡោះនឹងដាក់ទោសជននោះ។ អល់ឡោះជាអ្នកដែលមានពលានុភាព ជាអ្នកដែលប្រកបដោយអំណាចធ្វើទណ្ឌកម្ម

គេបានអនុញ្ញាតឱ្យពួកអ្នកនេសាទសមុទ្រ និងអាហារពីសមុទ្រជាគុណប្រយោជន៍ សំរាប់ពួកអ្នក និងសំរាប់ពួកអ្នកដំណើរ។ ហើយគេបានហាមលើពួកអ្នក នូវ សត្វប្រមាញ់ដែនគោក ដរាបណាពួកអ្នកឋិតក្នុងការអិហរ៉ម។ ចូរពួកអ្នកគោរព កោតខ្លាចអល់ឡោះ ដែលគេនឹងប្រមូលពួកអ្នកទៅកាន់លោក