Surah Al-Maeda Ayahs #39 Translated in Khmer

ឱ ពួកដែលបានជឿ! ចូរពួកអ្នកគោរពកោតខ្លាចអល់ឡោះ ចូរស្វែងរកឱ្យបាននូវមធ្យោបាយទៅលោក និងចូរតស៊ូក្នុងបុព្វហេតុមាគ៌ារបស់លោក ដើម្បីឱ្យពួកអ្នកនឹងទទួលបានជោគជ័យ

ការពិតពួកដែលបានបោះបង់ជំនឿ ប្រសិនបើពួកគេមាននូវអ្វីៗដែលមាននៅលើដីទាំងអស់ ហើយគេមានដូចនេះទៀត ដើម្បីឱ្យពួកគេលោះខ្លួននឹងរបស់នោះពីទណ្ឌកម្មនាថ្ងៃវិនិច្ឆ័យនោះ ក៏គេមិនបានទទួលយកការលោះនោះពីពួកគេដែរ។ ហើយពួកគេត្រូវទណ្ឌកម្មមួយយ៉ាងខ្លោចផ្សាបំផុត

ពួកគេមានបំណងនឹងចេញពីនរក ទាំងពួកគេពុំមែនជាពួកដែលអាចចេញពីនរកបានឡើយ។ ពួកគេត្រូវទណ្ឌកម្មរហូត

ចោរ និងចោរី ចូរពួកអ្នកកាត់ដៃរបស់គេទាំងពីរនាក់ជាការដាក់ទោសមួយ ដោយសារតែអ្វីដែលគេទាំងពីរបានប្រព្រឹត្ត ជាគំរូទោសមួយពីអល់ឡោះ។ ហើយអល់ឡោះជាអ្នកពលានុពល មហាគតិបណ្ឌិត

ជនណាបានកើតសោកស្តាយ បន្ទាប់ពីកំហុសឆ្គងរបស់គេ ហើយបានកែប្រែឡើងវិញ អល់ឡោះពិតជានឹងទទួលយកនូវវិប្បដិសារីរបស់ជននោះ។ ការពិតអល់ឡោះជាអ្នកប្រោសប្រណី ជាអ្នកអាណិតអាសូរបំផុត