Surah Al-Kahf Ayahs #22 Translated in Khmer

ហើយអ្នកគិតស្មានថា ពួកគេភ្ញាក់ដឹងខ្លួនក្នុងខណៈដែលពួកគេ ជាអ្នកគេង លក់ ហើយយើងត្រលប់ពួកគេទៅប៉ែកខាងស្តាំ និងទៅប៉ែកខាងឆ្វេង ខណៈនោះឆ្កែពួកគេ លូកជើងមុខទាំងពីររបស់វាទៅមាត់ទ្វារគុហា។ ប្រសិនបើអ្នកបានក្រឡេកឃើញទៅលើពួក គេ អ្នកប្រាកដជាបានងាកចេញពីពួកគេដោយរត់ ហើយអ្នកប្រាកដជាត្រូវបានពោរពេញទៅ ដោយការភ័យរន្ធត់អំពីពួកគេ

ប្រៀបដូចទាំងនេះហើយ ដែលយើងបានប្រោសពួកគេឱ្យ រស់ឡើងវិញ ដើម្បីពួកគេសួរដេញដោលគ្នាទៅវិញទៅមកក្នុងចំណោមពួកគេ។ អ្នកនិយាយ ម្នាក់ក្នុងចំណោមពួកគេថា តើរយៈពេលប៉ុន្មានដែលពួកអ្នកស្នាក់អាស្រ័យ? ពួកគេនិយាយថា ពួកយើងបានស្នាក់អាស្រ័យរយៈពេលមួយថ្ងៃ ឬភាគខ្លះនៃថ្ងៃ ពួកគេបន្តទៀតថា ម្ចាស់របស់ ពួកអ្នកដឹងបំផុត នូវរយៈពេលដែលពួកអ្នកបានស្នាក់អាស្រ័យ ដូចនេះ ចូរពួកអ្នកចាត់តាំង ម្នាក់ក្នុងចំណោមពូកអ្នក ឱ្យនាំយកលុយពួកអ្នកនេះទៅកាន់ទីក្រុង រួចមកឱ្យម្នាក់នោះពិនិត្យ មើលនូវចំណីមួយណាដែលល្អស្អាតជាងគេ រួចឱ្យម្នាក់នោះនាំមកកាន់ពួកអ្នក នូវម្ហូបអាហារ នៃចំណីនោះ ហើយឱ្យម្នាក់នោះធ្វើឫកទន់ភ្លន់បំផុត ហើយកុំធ្វើឱ្យភ្ញាក់ខ្លួនដល់អ្នកណាម្នាក់ ដឹងនូវស្ថានភាពរបស់ពួកអ្នក

ការពិតពួកគេ ប្រសិនបើពួកគេដឹងមកលើពួកអ្នក ពួកគេ នឹងគប់នឹងដុំថ្មទៅកាន់ពួកអ្នក ឬពួកគេនឹងបង្វិលពួកអ្នកទាំងឡាយត្រលប់ទៅកាន់សាសនា របស់ពួកគេវិញ ពេលនោះពួកអ្នកទាំងឡាយនឹងមិនទទួលជោគជ័យឡើយជារៀងរហូត

ប្រៀបដូចទាំងនេះហើយ ដែលយើងបានធ្វើឱ្យរបើកចំទៅលើពួកគេ ដើម្បីពួកគេនឹង ដឹងថា ការសន្យារបស់អល់ឡោះពិតជាសច្ចៈមែន ហើយថ្ងៃអវសានលោក ពិតជាគ្មាន ការមន្ទិលសង្ស័យឡើយក្នុងព្រឹត្តិការណ៍របស់វា។ ក្នុងពេលដែលពួកគេឈ្លោះប្រកែក គ្នារវាងពួកគេ នូវការងាររបស់ពួកគេ។ រួចមក ពួកគេថា ចូរពួកអ្នកស្ថាបនាទៅលើ គុហាពួកគេនូវសំណង់មួយ។ ម្ចាស់របស់ពួកគេដឹងបំផុតចំពោះពួកគេ។ ពួកដែលបាន ឈ្នះទៅលើការងាររបស់ពួកគេថា ពួកយើងប្រាកដជានឹងសាងសង់នូវវិហារមួយនៅ លើគុហាពួកគេ

ពួកគេខ្លះថា បីនាក់ ទីបួនរបស់ពួកគេគឺឆ្កែពួកគេ ហើយពួកគេខ្លះ និយាយទាំងប៉ាន់ស្មានពីរឿងអាថ៌កំបាំងថា ប្រាំនាក់ ទីប្រាំមួយរបស់ពួកគេគឺឆ្កែពួកគេ។ ហើយពួកគេផ្សេងទៀត(ពួកជឿ)ថា ប្រាំពីរនាក់ ទីប្រាំបីរបស់ពួកគេ គឺឆ្កែរបស់ពួកគេ។ ថាទៅ ម្ចាស់របស់យើងដឹងបំផុត នូវបរិមាណរបស់ពួកគេ ក្រៅពីភាគតិចបំផុត គ្មាន អ្នកណាដឹងពីពួកគេទេ។ ហេតុនេះ ចូរអ្នកកុំជជីកគ្នាស្តីពីពួកគេ ក្រៅពីការជជីកមួយដ៏ ច្បាស់ ហើយចូរអ្នកកុំស្នើសុំបញ្ជាក់ស្តីពីពួកទាំងនេះ ពីអ្នកណាម្នាក់ក្នុងចំណោមពួកគេ