Surah Al-Hajj Ayahs #27 Translated in Khmer

អល់ឡោះពិតជានឹងបញ្ចូលពួកដែលបានជឿ បានសាងកុសលឱ្យទៅ កាន់ស្ថានសួគ៌ា ដែលមានទន្លេជាច្រើនហូរពីក្រោមសួគ៌ានោះ។នៅក្នុង ស្ថានសួគ៌ា គេនឹងតុបតែងឱ្យពួកគេដោយកងដៃពីមាស និងពេជ្រ។ ហើយសំលៀកបំពាក់ពួកគេនៅក្នុងស្ថានសួគ៌ានោះ គឺសរសៃសូត្រ

ហើយគេបានជូននាំទៅកាន់ពួកគេនូវសំដីពិរោះ ហើយគេបានបង្ហាញពួកគេទៅ កាន់ផ្លូវត្រូវកោតសរសើរ

តាមពិតពួកអ្នកដែលមិនបានជឿ និងរារាំងគេ ពីផ្លូវអល់ឡោះ និងពីម៉ាស្ជីទិលហារ៉ម ដែលយើងបានតាំងម៉ាស្ជីទិលហារ៉ម នោះឡើងសម្រាប់មនុស្ស ទោះបីជាអ្នកតាំងលំនៅដ្ឋាននៅទីនោះ និងអ្នកឆ្លង កាត់ក៏ដោយ។ ហើយជនណាដែលមានបំណងប្រព្រឹត្តឃោរឃៅនៅទីពិសិដ្ឋ ដោយអយុត្តិធម៌នោះ យើងប្រាកដជានឹងឱ្យជននោះស្គាល់រសជាតិនៃទណ្ឌកម្ម ដ៏ខ្លោចផ្សាបំផុត

ហើយនៅខណៈដែលយើងបានបង្ហាញឱ្យអ៊ីព្រហ៊ីម នូវ ទីកន្លែងកាក់ពះ (ដើម្បីសាងសង់) លោកបានពោលថា ចូរអ្នកកុំស៊ីរិកនឹង យើងឱ្យសោះ ហើយចូរអ្នកសំអាតកាក់ពះរបស់យើង សម្រាប់ពួកអ្នកតវ៉ាហ្វ និងពួកអ្នកដែលឈរ ហើយរូកុ ស៊ូជោទ (សឡាតិ៍)

ហើយចូរអ្នកប្រកាស ទៅក្នុងចំណោមមនុស្ស នូវហជ្ជ ពួកគេនឹងទៅដល់អ្នកទាំងថ្មើរជើង និងទាំង លើគ្រប់សត្វអូដ្ឋស្ឋម្គ ពួកគេនឹងទៅដល់មកពីគ្រប់ផ្លូវឆ្ងាយៗ