Surah Al-Hadid Ayahs #20 Translated in Khmer

តើឱកាសមិនទាន់ដល់ទេឬ សម្រាប់ពួកដែល ជឿ ករណីដែលចិត្តថ្លើមពួកគេនឹងស្មឹងស្មាធសម្រាប់ការរលឹកទៅអល់ឡោះ និងរលឹក សច្ចភាពដែលបានចុះមក។ ចូរពួកគេកុំឱ្យមានដូចអ្នកដែលគេផ្តល់គម្ពីរកាលពីជំនាន់មុន ពេលវេលាយូរអង្វែងបានអូសបន្លាយទៅលើពួកគេ រួចហើយ ចិត្តថ្លើមរបស់ពួកគេរឹង កំព្រឹស។ ហើយភាគច្រើននៃពួកគេជាពួកខិលខូច

ចូរពួកអ្នកជ្រាបថា អល់ឡោះពិត ជាផ្តល់ការរស់រានមានជីវិតទៅដី បន្ទាប់មរណភាពដីនោះ។ ការពិត យើងបញ្ជាក់ បំភ្លឺជូនពួកអ្នកនូវអាយ៉ាត់ៗសង្ឃឹមថា ពួកអ្នកត្រិះរិះពិចារណា

ជាការពិត ពួកបុរស ដែលដាក់ទាន និងពួកនារីដែលដាក់ទាន ហើយគេបានឱ្យបុលទៅអល់ឡោះ នូវបំណុល មួយដ៏ល្អកុសលទៀត លោកនឹងទ្វេជូនពួកគេ ហើយពួកគេមានរង្វាន់មួយដ៏ថ្លៃថ្នូរបំផុត

ពួកដែលបានជឿនឹងអល់ឡោះ ព្រមទាំងរ៉សូលលោក ពួកនេះហើយជាពួកទៀងត្រង់ បំផុត។ ដូចនេះដែរ ជាពួកសក្សីនៅឯម្ចាស់ពួកគេ សម្រាប់ពួកទាំងអស់នេះ មានរង្វាន់ របស់ពួកគេ និងពន្លឺរស?រីបស់ពួកគេ។ រីឯពួកដែលមិនបានជឿ និងបានបដិសេធនឹង អាយ៉ាត់ៗយើង ពួកនេះហើយ ជាពួកនរកសន្ធោសន្ធៅ

រួចចូរពួកអ្នកជ្រាបថា ជីវិត លោកិយ ត្រឹមតែល្បែងលេងសើចកំសាន្ត និងការតុបតែងលំអហ៊ឺហឺរា ការដណ្តើម មុខមាត់គ្នាក្នុងចំណោមពួកអ្នក និងការប្រកួតប្រជែងគ្នាក្នុងទ្រព្យសម្បត្តិ និងកូនចៅ ប្រៀបដូចទឹកភ្លៀងដែលដំណាំដាំដុះ បានទាក់ទាញចិត្តកសិករ ក្រោយមកដំណាំនោះ ឡើងស្រពោន រួចមក អ្នកនឹងឃើញដំណាំនោះទៅជាសំបុរលឿង ក្រោយមកទៀត ដំណាំនោះក្លាយទៅជាបែកខ្ទេចខ្ទី។ ហើយនៅលោកខាងមុខ មានទណ្ឌកម្មមួយខ្លាំង- ក្លាបំផុត និងមានការអភ័យទោសមួយពីអល់ឡោះ ព្រមទាំងការយោគយល់មួយ។ ជីវិត នាលោកិយគ្មានអ្វីក្រៅពីការត្រេកត្រអាល នៃការបោកបញ្ឆោតឡើយ