Surah Al-Hadid Ayahs #23 Translated in Khmer

ពួកដែលបានជឿនឹងអល់ឡោះ ព្រមទាំងរ៉សូលលោក ពួកនេះហើយជាពួកទៀងត្រង់ បំផុត។ ដូចនេះដែរ ជាពួកសក្សីនៅឯម្ចាស់ពួកគេ សម្រាប់ពួកទាំងអស់នេះ មានរង្វាន់ របស់ពួកគេ និងពន្លឺរស?រីបស់ពួកគេ។ រីឯពួកដែលមិនបានជឿ និងបានបដិសេធនឹង អាយ៉ាត់ៗយើង ពួកនេះហើយ ជាពួកនរកសន្ធោសន្ធៅ

រួចចូរពួកអ្នកជ្រាបថា ជីវិត លោកិយ ត្រឹមតែល្បែងលេងសើចកំសាន្ត និងការតុបតែងលំអហ៊ឺហឺរា ការដណ្តើម មុខមាត់គ្នាក្នុងចំណោមពួកអ្នក និងការប្រកួតប្រជែងគ្នាក្នុងទ្រព្យសម្បត្តិ និងកូនចៅ ប្រៀបដូចទឹកភ្លៀងដែលដំណាំដាំដុះ បានទាក់ទាញចិត្តកសិករ ក្រោយមកដំណាំនោះ ឡើងស្រពោន រួចមក អ្នកនឹងឃើញដំណាំនោះទៅជាសំបុរលឿង ក្រោយមកទៀត ដំណាំនោះក្លាយទៅជាបែកខ្ទេចខ្ទី។ ហើយនៅលោកខាងមុខ មានទណ្ឌកម្មមួយខ្លាំង- ក្លាបំផុត និងមានការអភ័យទោសមួយពីអល់ឡោះ ព្រមទាំងការយោគយល់មួយ។ ជីវិត នាលោកិយគ្មានអ្វីក្រៅពីការត្រេកត្រអាល នៃការបោកបញ្ឆោតឡើយ

ចូរពួកអ្នក ប្រកួតប្រជែងគ្នា ទៅកាន់ការអភ័យទោសមួយពីម្ចាស់ពួកអ្នក និងស្ថានសួគ៌មួយ ដែល ទទឹងស្ថានសួគ៌នោះ ប្រៀបដូចទទឹងមេឃនិងដី ដែលគេរៀបចំសម្រាប់ពួកដែលបាន ជឿនឹងអល់ឡោះ ព្រមទាំងរ៉សូលៗលោក។ នោះហើយជាការប្រោសប្រទានរបស់ អល់ឡោះ ដែលលោកផ្តល់ជូនចំពោះអ្នកដែលលោកប្រាថ្នា ហើយលោកជាអ្នកប្រោស ប្រទានដ៏ធំក្រៃលែង

អពមង្គលណាមួយក៏ដោយ ដែលបានប៉ះទង្គិចនៅឯដី និង នៅក្នុងខ្លួនពួកអ្នកផ្ទាល់ សុទ្ធតែមាននៅក្នុងកំណត់ត្រា នៅកាលពេលមុននឹងយើង បង្កើត អពមង្គលនោះម៉្លេះ។ ទាំងនោះ នៅលើអល់ឡោះ ពិតជាការងាយស្រួលបំផុត

ដើម្បីកុំឱ្យពួកអ្នកខ្លោចផ្សាក្នុងចិត្ត នៅលើអ្វីដែលបានបាត់បង់ពីពួកអ្នក និងកុំឱ្យ ពួកអ្នកសប្បាយរីករាយហួសហេតុ ដោយសារអ្វីដែលលោកបានផ្តល់ជូនពួកអ្នក។ ហើយអល់ឡោះមិនស្រលាញ់ទេ រាល់អ្នកដែលលើកតំកើងខ្លួនឯង ជាអ្នកអំនួតអួតអាង