Surah Al-Furqan Ayahs #37 Translated in Khmer

ហើយពួកគេនឹងមិននាំទៅកាន់អ្នក នូវឧបមាណាមួយក្រៅពីសច្ចភាព និងភាពល្អ ប្រសើរនៃការបកស្រាយ ដែលយើងបាននាំទៅកាន់អ្នកនោះទេ

ពួកដែលគេ នឹងប្រមូលនៅលើមុខរបស់ពួកគេ ឆ្ពោះទៅកាន់នរកយមលោក ពួកទាំងនេះគឺ អាក្រក់បំផុតនៃស្ថានភាព និងរសាត់វង្វេងបំផុតអំពីផ្លូវត្រូវ

ហើយយើងបានផ្តល់ ទៅមូសាយ៉ាងប្រាកដនូវគម្ពីរ ហើយរួមនឹងមូសា យើងបានចាត់ទុកបងរបស់គេ ហារូនជាជំនូយការ

រួចមក យើងថា ចូរអ្នកទាំងពីរធ្វើដំណើរទៅកាន់ក្រុម មនុស្សដែលបានបដិសេធនឹងអាយ៉ាត់ៗរបស់យើង រួចមក យើងបានបំផ្លាញពួកគេ ឱ្យវិនាសហិនហោច

ហើយចំពោះក្រុមមនុស្សរបស់ណូហ៍ នៅពេលពួកគេ បានមួលបង្កាច់ចំពោះរ៉សូលទាំងឡាយ យើងក៏បានពន្លិចពន្លង់ពួកគេ ហើយយើង បានចាត់ទុកពួកគេ ជាមេរៀនមួយសម្រាប់មនុស្សទូទៅ។ ហើយយើងបានរៀបចំ សម្រាប់ពួកដែលបំពាន នូវទណ្ឌកម្មដ៏ខ្លោចផ្សាបំផុត