Surah Al-Baqara Ayahs #81 Translated in Khmer

តើពួកគេមិនដឹងទេឬថា អល់ឡោះដឹងនូវអ្វីដែលពួកគេបានលាក់លៀម និងអ្វីដែលពួកគេលាតត្រដាង

ក្នុងចំណោមពួកគេមាន ពួកអនក្ខរជន។ ពួកគេមិនចេះគម្ពីរទេ មានតែការស្រមើស្រមៃ។ ពួកគេគ្មានអ្វីក្រៅពីពួកគេស្មានៗនោះឡើយ

ចង្រៃដ៏ធំសម្បើម សម្រាប់ពួកដែលសរសេរគម្ពីរដោយដៃពួកគេ រួចពួកគេថា គម្ពីរនេះ មកអំពីអល់ឡោះ ដើម្បីដោយសារករណីនេះ ពួកគេលក់ដោយ តំលៃតិចតួចបំផុត។ ចង្រៃដ៏ធំសម្បើមសម្រាប់ពួកគេ ដោយសារតែអ្វី ដែលដៃពួកគេបានសរសេរផ្ទាល់។ ហើយចង្រៃដ៏ធំសម្បើមសម្រាប់ពួកគេ ដោយសារតែអ្វីដែលពួកគេបានប្រព្រឹត្ត

ហើយពួកគេថានរក នឹងមិនប៉ះពាល់យើងទេ លើកលែងតែប៉ុន្មានថ្ងៃដែលត្រូវគេកំណត់ប៉ុណ្ណោះ។ ចូរអ្នកថាទៅ តើពួកអ្នកទទួលបាននូវលក្ខខណ្ឌណាមួយពី អល់ឡោះឬ​​​។ អល់ឡោះនឹងមិនធ្វើខុសលក្ខខណ្ឌរបស់លោកឡើយ ។ ឬមួយ ពួកអ្នកនិយាយស្តីអំពីអល់ឡោះ នូវអ្វីដែលពួកអ្នកមិនបានដឹង?

ទេ! ជនណាបានប្រព្រឹត្តអំពើអាក្រក់ រួចមកអំពើខុសឆ្គងរបស់ជន នោះ បានជ្រួតជ្រាបចំពោះគេនោះ ពួកទាំងអស់នេះហើយជាពពួក នរក។ ពួកគេជាពពួកអមតៈក្នុងនរក