Surah Al-Baqara Ayahs #71 Translated in Khmer

ហើយនៅពេលដែលមូសាបាននិយាយទៅកាន់ក្រុមគេថា ការពិត អល់ឡោះតំរូវឱ្យពួកអ្នកសំឡេះគោញីមួយ។ ពួកគេថា ហេតុអ្វីបានជាអ្នកយក ពួកយើងធ្វើជាការលេងសើច?។ មូសាថា យើងសុំជ្រកកោននឹងអល់ឡោះកុំឱ្យ យើងមានក្នុងចំណោមពួកល្ងង់ខ្លៅ

ពួកគេថា សូមអ្នកសុំទៅម្ចាស់អ្នកឱ្យពួក យើង សូមលោកបញ្ជាក់ឱ្យច្បាស់ដល់ពួកយើង តើជាគោញីដូចម្តេច?។ មូសាថា ការពិតលោកថា គោញីនោះ ជាគោញីដែលពុំមែនចាស់ពេក ហើយក៏មិនមែន ក្មេងពេកដែរ គឺធុនកណ្តាល។ ហេតុនេះ ចូរពួកអ្នកអនុវត្តនូវអ្វីដែលគេតំរូវលើ ពួកអ្នក

ពួកគេថា សូមអ្នកសុំទៅម្ចាស់អ្នកដល់ពួកយើង សូមលោកបញ្ជាក់ ឱ្យច្បាស់ដល់ពួកយើង តើគោញីនោះសម្បុរអ្វី?។ មូសាថា ការពិតលោកថា គោញី នោះជាគោញីសម្បុរលឿងទុំថ្លា សម្បុរវាធ្វើឱ្យសោមនស្សដល់អ្នកដែលឃើញ

ពួកគេថា សូមអ្នកសុំទៅម្ចាស់អ្នកឱ្យពួកយើង សូមលោកបញ្ជាក់ឱ្យច្បាស់ឱ្យពួកយើង តើជាគោញីដូចម្តេច?។ ពីព្រោះសត្វគោប្រហាក់ប្រហែលគ្នាចំពោះពួកយើង។ ហើយបើអល់ឡោះមានបំណង ពួកយើងពិតជាត្រូវបានទទួលមគ្គុទ្ទេសន៍

មូសាថា ការពិតលោកថា គោញីនោះ ជាគោដែលគ្មានការធ្វើបាបដោយ ប្រើឱ្យភ្ជួររាស់ដី ហើយក៏មិនមែនប្រើឱ្យអូសទឹកស្រោចដំណាំដែរ ដែលជៀសផុត ពីពិការភាព ហើយគ្មានសម្បុរឆ្នូតនៅលើខ្លួនទេ។ ពួកគេថា ពេលនេះអ្នកបាន នាំមកនូវការពិត។ ពួកគេក៏បានសំឡេះគោញីនោះ ក្នុងករណីដែលពួកគេហៀប តែមិនអាចធ្វើទៅបាន