Surah Al-Baqara Ayahs #33 Translated in Khmer

លោកដែលបានបង្កើតសម្រាប់ពួកអ្នកអ្វីៗដែលនៅ លើដីទាំងអស់ក្រោយមក លោកតំរង់បំណងទៅមេឃ រួចមក លោកបានបង្កើតមេឃជាប្រាំពីរស្រទាប់។ ហើយលោកដឹងបំផុតអំពីអ្វីៗទាំងអស់

ហើយនៅពេលដែលម្ចាស់អ្នក បាននិយាយទៅកាន់ពួកម៉ាឡាអ៊ីកាត់ថា យើងពិតជាអ្នក បង្កើតខលីហ្វះនៅលើដី។​ ម៉ាឡាអ៊ីកាត់ថា ហេតុអ្វីបានជាលោកបង្កើតនូវអ្នកដែលនឹង បំផ្លិចបំផ្លាញ និងបង្ហូរឈាមគ្នាដាក់នៅទីនោះ ខណៈដែលពួកយើងសូត្រធម៌បរិសុទ្ធ ដោយការកោតសរសើរលោក ហើយពួកយើងបានលើកតំកើងលោក។ លោកថា យើងដឹងនូវអ្វីដែលពួកអ្នកមិនដឹង

ហើយលោកបានបង្រៀនអាដាមនូវបណ្តាឈ្មោះទាំង អស់។ បន្ទាប់មក លោកបានបង្ហាញទាំងអស់នោះទៅកាន់ពួកម៉ាឡាអ៊ីកាត់ រួចលោកថា ចូរពួកអ្នកប្រាប់យើងមក នូវបណ្តាឈ្មោះទាំងនោះ បើពួកអ្នកនិយាយពិតមែន

ពួកគេថា បរិសុទ្ធហើយលោក ពួកយើងគ្មានការចេះដឹងទេ ក្រៅពីអ្វីដែលលោកបានបង្រៀន ពួកយើង។ លោកពិតជាអ្នកដឹងបំផុត មហាគតិបណ្ឌិត

លោកថា នែអាដាម! ចូរអ្នកប្រាប់ពួកគេទៅនូវឈ្មោះទាំងអស់នោះ។ នៅពេលដែលអាដាមបានប្រាប់ទៅពួកគេ នូវឈ្មោះទាំងអស់នោះហើយ លោកថា តើយើងមិនទាន់ប្រាប់ពួកអ្នកទេឬថា យើងដឹង ណាស់នូវអាថ៌កំបាំងឯមេឃនិងដី ហើយយើងដឹងនូវអ្វីដែលពួកអ្នកលាតត្រដាង និង អ្វីដែលពួកអ្នកលាក់លៀម