Surah Al-Baqara Ayahs #222 Translated in Khmer

ការពិតពួក ដែលជឿហើយពួកគេបានភៀសខ្លួននិងបានតស៊ូក្នុងផ្លូវអល់ឡោះពួកទាំងនេះហើយ ដែលសង្ឃឹមចំពោះក្តីអាណិតស្រលាញ់អំពីអល់ឡោះ។ អល់ឡោះជាអ្នកអភ័យទោស ជាអ្នកអាណិតស្រលាញ់បំផុត

ពួកគេ នឹងសួរអ្នកស្តីអំពីសុរានិងល្បែងស៊ីសង។ ចូរអ្នកឆ្លើយថា ក្នុងករណីទាំងពីរនេះគឺបាបកម្មធំណាស់ និងមានប្រយោជន៍ចំពោះមនុស្ស។ បាបកម្មរបស់ករណីទាំងពីរនេះ គឺធំជាងប្រយោជន៍របស់វាទៅទៀត។ ហើយពួកគេបានសួរអ្នកថា អ្វីខ្លះដែលពួកគេត្រូវបរិច្ចាគនោះ ចូរអ្នកឆ្លើយថា គឺជារបស់សេសសល់ពីតម្រូវការ។ ដូចនេះហើយដែលអល់ឡោះបាន បំភ្លឺចំពោះពួកអ្នកនូវអាយ៉ាត់ទាំងឡាយដើម្បីឱ្យពួកអ្នកពិចារណា

ក្នុងលោកិយនិងបរលោក។ ហើយពួកគេសួរអ្នកស្តីអំពីក្មេងកំព្រា។ ចូរអ្នកឆ្លើយថា ការសម្របសម្រួលចំពោះពួកគេគឺប្រការល្អមួយ។ បើពួកអ្នកឡូកឡំគ្នានឹងពួកគេ ពួកគេគឺជាបងប្អូនរបស់ពួកអ្នក។ អល់ឡោះដឹងចំពោះអ្នកដែលបង្កភាពមហន្តរាយពីអ្នកដែលសម្របសម្រួល។ បើសិនអល់ឡោះមានបំណងលោកប្រាកដជាផ្តល់ការលំបាកដល់ពួកអ្នក។ អល់ឡោះពិតជាអ្នកមានអានុភាពបំផុត ជាអ្នកមហាគតិបណ្ឌិត

ចូរពួកអ្នក កុំរៀបការនឹងពួកនារីមុស៊្រិក ទាល់តែពួកនាងមានជំនឿសិន។ ទាសីម្នាក់ដែលមាន ជំនឿ ប្រសើរជាងនារីមុស៊្រិកម្នាក់ ទោះបីនាងបានទាក់ទាញអារម្មណ៍ពួកអ្នកក៏ដោយ។ ហើយចូរពួកអ្នកកុំរៀបការពួកនាងឱ្យទៅពួកបុរសមុស៊្រិក ទាល់តែពួកគេមានជំនឿ សិន។ ទាសាម្នាក់ដែលមានជំនឿ ប្រសើរជាងបុរសមុស៊្រិកម្នាក់ ទោះបីបុរសនោះ បានទាក់ទាញអារម្មណ៍ពួកអ្នកក៏ដោយ។ ពួកគេទាំងនោះ បានហៅទៅកាន់នរក។ អល់ឡោះ ហៅទៅកាន់ឋានសួគ៌ និងការអភ័យទោសតាមការអនុញ្ញាតរបស់លោក។ ហើយលោកបំភ្លឺនូវបណ្តាអាយ៉ាត់លោកសំរាប់មនុស្ស ដើម្បីឱ្យពួកគេចងចាំ

ពួកគេនឹងសួរអ្នកស្តីពីពេលឈាមរដូវ។ ចូរអ្នកឆ្លើយថាឈាមរដូវគឺជាការកខ្វក់មួយ។ ដូចនេះចូរពួកអ្នកឃ្លាតពីនារីនៅពេលមានរដូវ។ ហើយពួកអ្នកកុំទៅជិតពួកនាងទាល់ តែពួកនាងជ្រះស្អាតសិន។ កាលណាពួកនាងបានជ្រះស្អាតហើយ សឹមពួកអ្នកចូលទៅដល់ពួកនាង (រួមសង្វាស) តាមតែករណីដែលអល់ឡោះបានបង្គាប់ពួកអ្នក។ អល់ឡោះពិតជាស្រឡាញ់ពួកសុំការប្រណី និងស្រឡាញ់ពួកជ្រះស្អាត