Surah Al-Baqara Ayahs #109 Translated in Khmer

ពួក ដែលមិនបានជឿក្នុងចំណោមក្រុមអះលីគីតាប និងពួកស៊ីរិក មិនចង់ឱ្យគេ ដាក់បញ្ចុះទៅឱ្យពួកអ្នក នៃអំពើល្អណាមួយពីម្ចាស់របស់ពួកអ្នកទេ។ ហើយ អល់ឡោះបានកំណត់ការប្រោសប្រណីអំពីលោក ជូនចំពោះជនណាដែល លោកប្រាថ្នា។ ហើយអល់ឡោះជាអ្នកដែលមានការអនុគ្រោះក្រៃលែង

អាយ៉ាត់ណាមួយដែលយើងបដិសេធឬបំភ្លេចចោល សុទ្ធតែយើងនាំមកនូវល្អ ជាងអាយ៉ាត់នេះទៅទៀត ឬប្រហាក់ប្រហែលគ្នា។ តើអ្នកមិនទាន់ដឹងទេឬថា អល់ឡោះជាអ្នកដែលមានមហិទ្ធិប្ញទ្ធិបំផុតលើអ្វីៗទាំងអស់

តើអ្នកមិនដឹងទេឬថា អល់ឡោះពិតជាមានអំណាចគ្រប់គ្រងមេឃនិងដី។ ក្រៅពីអល់ឡោះ ពួកអ្នកគ្មានអ្នកគ្រប់គ្រងណាមួយ ហើយក៏គ្មានអ្នកណាម្នាក់ជួយផងដែរ

ឬមួយពួកអ្នកចង់ស្នើសុំទៅរ៉សូលរបស់ពួកអ្នកដូចដែលគេ បានស្នើសុំទៅចំពោះមូសាកាលពីមុននោះឬ?។ ជនណាហើយដែលបាន យកជំនឿទៅប្តូរនឹងអជំនឿ ជននោះពិតជាបានវង្វេងពីផ្លូវត្រង់

ភាគ ច្រើនណាស់នៃក្រុមអះលីគីតាប បានស្រមើស្រមៃចង់យ៉ាងខ្លាំង ប្រសិនបើ ពួកគេបង្វិលពួកអ្នកទៅកាន់អជំនឿវិញ បន្ទាប់ពីការមានជំនឿរបស់ពួកអ្នក ព្រោះតែការអជំនឿ និងឈ្នានីសអំពីខ្លួនពួកគេផ្ទាល់ បន្ទាប់ពីសេចក្តីពិតបាន លេចធ្លោចំពោះពួកគេហើយនោះ។ ចូរពួកអ្នកអត់អោន ហើយចូរពួកអ្នក បណ្តោយរហូតដល់អល់ឡោះនឹងនាំបទបញ្ជាលោកមក។ ជាការពិតណាស់ អល់ឡោះជាអ្នកដែលមានមហិទ្ធិប្ញទ្ធិលើអ្វីៗទាំងអស់