Surah Al-Araf Ayahs #198 Translated in Khmer

ជាការពិតណាស់ បណ្តាវត្ថុ ទាំងឡាយដែលបួងសួងក្រៅពីអល់ឡោះនោះ គឺជាខ្ញុំទាំងឡាយដូចជាពួកអ្នកដែរ ហេតុនេះ ចូរពួកអ្នក ស្រែកបួងសួងទៅវត្ថុទាំងនោះ ហើយសូមឱ្យវត្ថុទាំងនោះទទួលឆ្លើយតបមកកាន់ពួកអ្នកវិញទៅ បើ សិនពួកអ្នកជាអ្នកត្រឹមត្រូវមែន

តើវត្ថុទាំងនោះមានជើងសំរាប់ពួកគេនឹងដើរឬ? ឬវត្ថុទាំង នោះមានដៃសម្រាប់ពួកគេនឹងកាន់ឬ? ឬវត្ថុទាំងនោះ មានភ្នែកសំរាប់ពួកគេនឹងមើលឬ? ឬវត្ថុទាំង នោះ មានត្រចៀកសំរាប់ពួកគេនឹងស្តាប់ឬ? ចូរថាទៅ ចូរពួកអ្នកបួងសួងទៅវត្ថុស៊ីរិករបស់ពួកអ្នក រួចមក ចូរពួកអ្នកប្រើគ្រប់ល្បិចកលតទល់នឹងយើង ហើយពួកអ្នកមិនបាច់បង្អង់ពេលដល់យើងទេ

ការពិតអ្នកដែលគាំពារយើង គឺអល់ឡោះដែលបានដាក់ចុះនូវគម្ពីរ។ ហើយលោកក៏ គាំពារពួកកុសលដែរ

បណ្តាវត្ថុក្រៅពីលោក ដែលពួកអ្នកស្រែកបួងសួងនោះ ពួក គេគ្មានលទ្ធភាពនឹងជួយពួកអ្នក ហើយពួកគេក៏មិនអាចជួយខ្លួនពួកគេផ្ទាល់បានដែរ

ប្រសិនបើពួកអ្នកអំពាវនាវវត្ថុទាំងនោះទៅកាន់មគ្គុទ្ទេសន៍ វត្ថុទាំងនោះមិនឮទេ ហើយ អ្នកនៅមើលឃើញវត្ថុទាំងនោះកំពុងសំឡឹងមើលទៅអ្នក ប៉ុន្តែពួកគេមើលមិនឃើញ ទេ