Surah Al-Araf Ayahs #190 Translated in Khmer

ជនណាដែលអល់ឡោះបំភាន់វង្វេង ជននោះគ្មាន មគ្គុទេសក៍ឡើយ។ ហើយលោកនឹងទុកឱ្យពួកគេ រួញរាក្នុងការបំពានរបស់គេ

ពួកគេនឹង សួរអ្នកស្តីពីថ្ងៃចុងក្រោយ តើអង្កាល់ទៅទើបកាលកំណត់ដល់? ចូរអ្នកថាទៅ ការដឹងពីវា គឺមាន តែម្ចាស់របស់យើងប៉ុណ្ណោះ។ ចំពោះពេលវេលានៃកាលកំណត់នេះ នឹងមិនបង្ហាញវាក្រៅពី លោកឡើយ វាធ្ងន់ធ្ងរបំផុតនៅឯមេឃ និងដី វានឹងមិនទៅដល់ពួកអ្នកក្រៅពីភ្លាមមួយរំពេច នោះឡើយ។ ពួកគេនឹងសួរអ្នក ហាក់បីដូចជាអ្នកដឹងមុនអំពីពេលកំណត់។ ចូរអ្នកថាទៅ ការដឹង ពីកាលកំណត់ មានតែនៅឯអល់ឡោះគត់ ក៏ប៉ុន្តែភាគច្រើននៃមនុស្សពុំអាចដឹងឡើយ

ចូរអ្នកថាទៅ យើងមិនអាចទាញយកសំរាប់ខ្លួនយើងនូវអត្ថប្រយោជន៍ ឬឧបសគ្គណាមួយក្រៅពី អ្វីដែលអល់ឡោះបំណងប្រាថ្នានោះឡើយ ប្រសិនបើយើងធ្លាប់បានដឹងនូវអាថ៌កំបាំង យើងប្រាកដ ជាបានសម្បូណ៍ហូរហៀរនៃផលចំណេញ ហើយអំពើអកុសលក៏មិនបានប៉ះពាល់យើងបានដែរ។ យើងគ្មានអ្វីក្រៅពីជាអ្នកព្រមាន និងជាអ្នកផ្សាយដំណឹងល្អជូនដល់មនុស្សជឿនោះឡើយ

លោកដែលបានបង្កើតពួកអ្នកពីមនុស្សម្នាក់ ហើយអំពីមនុស្សនេះ លោកបានបង្កើតគូស្រកររបស់ វា ដើម្បីឱ្យស្ងប់រម្ងាប់ជាមួយនាង។ បន្ទាប់មក នៅពេលដែលគេបានរួមសង្វាសជាមួយនាង នាងក៏ បានមានគភ៌នូវគភ៌មួយដ៏ស្រាល រួចមកនាងបានឆ្លងកាត់ដោយការពរផ្ទៃ។ បន្ទាប់មកទៀត នៅពេល ដែលនាងមានទំងន់ធ្ងន់នោះ ទាំងពីរនាក់បានបួងសួងទៅអល់ឡោះ ម្ចាស់របស់គេទាំងពីរនាក់ថា បើលោកបានប្រទានឱ្យពួកយើងនូវបុត្រល្អម្នាក់ យើងប្រាកដជានឹងក្លាយទៅក្នុងចំណោមពួកដែល កតញ្ញូ

ក្រោយមក ក្នុងខណៈដែលលោកបានប្រទានឱ្យគេទាំងពីរនាក់នូវបុត្រល្អម្នាក់ ទាំងពីរ នាក់នោះក៏បានចាត់ទុកបុត្រនោះជាអ្នកស៊ីរិកនឹងអល់ឡោះ នៅក្នុងអ្វីដែលលោកបានប្រទានឱ្យគេ ទាំងពីរនាក់នោះទៅវិញ។ ប៉ុន្តែអល់ឡោះ មានឧត្តមភាពលើសពីអ្វីដែលពួកគេស៊ីរិក