Surah Al-Araf Ayahs #138 Translated in Khmer

ហើយនៅពេលដែល ទណ្ឌកម្មបានធ្លាក់ទៅលើពួកគេនោះ ពួកគេបាននិយាយថា ឱមូសា! សូមអ្នកសុំ ទៅម្ចាស់របស់អ្នកឱ្យយើងផង ដោយតួនាទីមាននៅឯអ្នកដែលលោកបានសន្យា។ ជាការពិតណាស់ ប្រសិនបើអ្នកបន្សាត់ទារុណកម្មនោះ ចេញពីពួកយើងបាន យើងប្រាកដជាមានជំនឿចំពោះអ្នក ហើយយើងនឹងចាត់បញ្ជូនបុត្រអ៊ីស្រាឯល ឱ្យរួមសហការណ៍ជាមួយអ្នក

រួចមកនៅពេលដែលយើងបានបន្សាត់ទណ្ឌកម្ម នោះចេញពីពួកគេឆ្ពោះទៅកាន់កាលកំណត់មួយ ដែលពួកគេជាអ្នកត្រូវបានទៅ ដល់កាលកំណត់នោះ ស្រាប់តែពួកគេរំលោភបំពានកិច្ចសន្យាទៅវិញ

យើង បានសងសឹកពួកគេ យើងបានពន្លិចពួកគេទៅក្នុងរលកទឹកសមុទ្រ ដោយសារ តែពួកគេបានបដិសេធលើអាយ៉ាត់ៗរបស់យើង ហើយពួកគេជាពួកអ្នកព្រងើយកន្តើយ ពីអាយ៉ាត់ទាំងនោះ

យើងបានប្រគល់មរតកទៅកាន់ពួកដែលធ្លាប់ត្រូវគេ គាបសង្កត់នៅឯបូព៌ែផនដីី និងឯបស្ចឹមផែនដី ដែលយើងបានប្រសិទ្ធិនៅក្នុងផែន ដី។ឱ្យ វាចារដ៏ល្អរបស់ម្ចាស់អ្នក បានពេញសព្វគ្រប់ទៅលើបុត្រអ៊ីស្រាឯល បណ្តាល មកពីអ្វីដែលពួកគេបានអត់ធ្មត់។ យើងបានបំផ្លាញនូវអ្វីដែលហ្វារ៉ាអុង និងក្រុម របស់គេធ្លាប់បានប្រព្រឹត្ត និងអ្វីដែលពួកគេទាំងនោះធ្លាប់បានសាងសង់នោះ

ហើយយើងបាននាំបុត្រអ៊ីស្រាឯលឆ្លងកាត់សមុទ្រ រួចមកពួកគេបានបង្ហួសទៅដល់មនុស្ស មួយក្រុមដែលកំពុងជាប់ជំពាក់ចិត្តទៅលើបដិមាៗរបស់ពួកគេ។ បុត្រអ៊ីស្រាឯលទាំងនោះ ក៏និយាយថា ឱមូសា! សូមអ្នកចាត់ចែងឱ្យពួកយើងមានសក្ការៈវត្ថុមួយ ដូចដែលពួកគេមាន សក្ការៈវត្ថុជាច្រើន។ មូសាឆ្លើយថា ពួកអ្នកពិតជាក្រុមមនុស្សឆោតល្ងង់មែន