Surah Al-Araf Ayahs #103 Translated in Khmer

តើពួកគេទាំងនោះបានសុខសាន្តចំពោះ ឧបាយកលរបស់អល់ឡោះឬ? ព្រោះថា មានតែក្រុមមនុស្សខាតបង់ទេ ដែលរំពឹងថា នឹងបានសុខសាន្តចំពោះឧបាយកលរបស់អល់ឡោះនោះ

តើមិនទាន់ច្បាស់លាស់ទេ ឬចំពោះបណ្តាអ្នកដែលទទួលមរតកស្រុកទេសតពីអ្នកស្រុកនៃភូមិឋានទាំងនោះ ប្រសិន បើយើងមានបំណងប្រាថ្នា យើងនឹងវាយប្រហារពួកគេទាំងនោះ ដោយសារតែអំពើ បាបកម្មទាំងឡាយរបស់ពួកគេ ហើយយើងនឹងបិទភ្ជិតទៅលើចិត្តគំនិតរបស់ពួកគេ រួច មកពួកគេមិនអាចស្តាប់បានទាំងអស់

ភូមិឋានទាំងអស់នោះ យើងនិទានឱ្យ អ្នកស្តាប់ពីព្រឹត្តិការណ៍ខ្លះរបស់ភូមិឋានទាំងនោះ។ ហើយរ៉សូលជាច្រើនរបស់ពួកគេ ទាំងនោះ ពិតជាបាននាំទៅពួកគេទាំងនោះនូវបណ្តាសក្ខីភាព ហើយពួកគេនៅតែមិន ព្រមជឿ នូវអ្វីដែលពួកគេធ្លាប់បានបដិសេធពីមុនមក។ ដូចនេះ អល់ឡោះបិទភ្ជិតទៅ លើចិត្តគំនិតរបស់ពួកដែលអជំនឿ

ហើយយើងពុំបានប្រទះភាគច្រើននៃពួកគេទាំង នោះ គោរពកិច្ចសន្យាណាមួយនោះទេ តាមពិតយើងបានប្រទះភាគច្រើននៃពួកគេ ជា ពួកដែលខិលខូច

ក្រោយមក បន្ទាប់ពីរ៉សូលទាំងនោះ យើងបានជ្រើសតាំង មូសាឱ្យនាំអាយ៉ាត់ទាំងឡាយរបស់យើងទៅកាន់ហ្វារ៉ាអុង ព្រមទាំងអ្នកមុខអ្នកការ របស់ហ្វារ៉ាអុង។ រួចមកពួកគេទាំងនោះ ក៏បានបំពារបំពានចំពោះអាយ៉ាត់ទាំងនោះ។ ហេតុនេះ ចូរអ្នកពិនិត្យមើល តើអនាគតរបស់ពួកជនកំហូចយ៉ាងដូចម្តេចខ្លះ?