Surah Al-Araf Ayahs #106 Translated in Khmer

ហើយយើងពុំបានប្រទះភាគច្រើននៃពួកគេទាំង នោះ គោរពកិច្ចសន្យាណាមួយនោះទេ តាមពិតយើងបានប្រទះភាគច្រើននៃពួកគេ ជា ពួកដែលខិលខូច

ក្រោយមក បន្ទាប់ពីរ៉សូលទាំងនោះ យើងបានជ្រើសតាំង មូសាឱ្យនាំអាយ៉ាត់ទាំងឡាយរបស់យើងទៅកាន់ហ្វារ៉ាអុង ព្រមទាំងអ្នកមុខអ្នកការ របស់ហ្វារ៉ាអុង។ រួចមកពួកគេទាំងនោះ ក៏បានបំពារបំពានចំពោះអាយ៉ាត់ទាំងនោះ។ ហេតុនេះ ចូរអ្នកពិនិត្យមើល តើអនាគតរបស់ពួកជនកំហូចយ៉ាងដូចម្តេចខ្លះ?

មូសាបាននិយាយថា ឱហ្វារ៉ាអុង! យើងពិតជារ៉សូលម្នាក់មកពីម្ចាស់នៃភពទាំងអស់

ចាំបាច់បំផុតលើយើងមិននិយាយអ្វីលើអល់ឡោះក្រៅពីសច្ចៈឡើយ។ យើងប្រាកដជា បាននាំទៅកាន់អ្នកទាំងឡាយ នូវសក្ខីភាពមកពីម្ចាស់អ្នកទាំងឡាយ ហេតុនេះសូមលោក មេត្តាចាត់បញ្ជូនបុត្រអ៊ីស្រាឯល រួមទៅជាមួយយើងផង

ហ្វារ៉ាអុងថា បើអ្នកជា អ្នកបាននាំមកនូវភស្តុតាងណាមួយ ហេតុនេះ ចូរអ្នកបង្ហាញភស្តុតាងនោះមក ប្រសិន បើអ្នកស្ថិតក្នុងចំណោមពួកអ្នកទៀងត្រង់មែន