Surah Al-Anfal Ayahs #11 Translated in Khmer

ចូររំលឹកនៅពេលអល់ឡោះសន្យាទៅកាន់ពួកអ្នកថា មួយនៃពីរក្រុមនោះពិតនឹងត្រូវបានទៅពួកអ្នក។ ពួកអ្នកប្រាថ្នាចង់ឱ្យក្រុមមួយដែល គ្មានអាវុធ កំលាំងការពារនោះក្លាយទៅជារបស់ពួកអ្នក ហើយអល់ឡោះចង់ឱ្យ សច្ចភាពនឹងប្រត្យក្សដោយវាចារបស់លោក ហើយលោកនឹងបំផ្លាញឱ្យសាបសូន្យ ដល់ឫសគល់ពួកដែលជំនឿ

ដើម្បីលោកនឹងប្រត្យក្សនូវសច្ចភាព ហើយលោក នឹងធ្វើគ្រស៊ែតឃែត(ទទេ)នូវមោឃកម្ម ទោះបីពួកឧក្រិដ្ឋជនបានស្អប់ខ្ពើមក៏ដោយ

ហើយចូររំលឹក នូវសកម្មភាពដែលពួកអ្នកទទួចអង្វរសុំទៅម្ចាស់ពួកអ្នក រួចលោកបាន បំពេញបំណងចំពោះពួកអ្នកវិញភ្លាមថា ប្រាកដណាស់ យើងជាអ្នកជួយពួកអ្នកដោយមួយ ពាន់នៃម៉ាឡាអ៊ីកាត់ ចុះពពាក់ពពូនបន្តបន្ទាប់គ្នា

អល់ឡោះធ្វើដូចនេះ គ្មានអ្វីក្រៅពីជា ដំណឹងរីករាយ និងដើម្បីឱ្យដួងចិត្តរបស់ពួកអ្នកស្ងប់ស្ងាត់ដោយទង្វើនេះឡើយ។ គ្មានជ័យ ជំនះណាក្រៅពីមកពីអល់ឡោះនោះទេ។ អល់ឡោះពិតជាអ្នកប្រកបដោយពលានុពល មហាគតិបណ្ឌិតបំផុត

ចូររំលឹក នៅពេលដែលលោកគ្របទៅលើពួកអ្នក នូវការ ងងុយគេង ជាសន្តិភាពមួយមកពីលោក ហើយចូររំលឹក ដែលលោកបង្អុរទៅលើអ្នកទាំង ឡាយ នូវទឹកភ្លៀងមកពីមេឃ ដើម្បីលោកនឹងជម្រះសំអាតអ្នកទាំងឡាយ ដោយសារទឹក ភ្លៀងនេះ ហើយលោកនឹងកំចាត់បង់អំពីអ្នកទាំងឡាយ នូវការហ្មងសៅរបស់ស្ហៃតន ដើម្បី លោកនឹងធ្វើឱ្យរឹងប៉ឹងទៅលើចិត្តថ្លើមរបស់ពួកអ្នក ហើយលោកនឹងធ្វើឱ្យនឹងនរចំពោះ ជំហានជើងទាំងឡាយដោយសារទឹកនោះ