Surah Al-Anfal Ayahs #32 Translated in Khmer

ចូរពួក អ្នកជ្រាបថា ទ្រព្យសម្បត្តិរបស់ពួកអ្នក និងបុត្រៗរបស់ពួកអ្នក គឺសុទ្ធតែជាការ សាកល្បងទាំងអស់។ អល់ឡោះ នៅឯលោកពិតជារង្វាន់ដ៏សម្បើម

ឱបណ្តាពួក អ្នកដែលមានជំនឿ! ប្រសិនបើពួកអ្នកគោរពកោតខ្លាចអល់ឡោះ លោកនឹងផ្តល់ឱ្យ ពួកអ្នកមានលក្ខណវិនិច្ឆ័យ (រវាងកុសល និងអកុសល) ហើយលោកនឹងលុបចោលអំពីពួក អ្នកនូវអំពើអាក្រក់របស់ពួកអ្នក ហើយលោកនឹងអភ័យទោសឱ្យពួកអ្នក។ ហើយ អល់ឡោះប្រកបដោយអនុគ្រោះដ៏ធំសមើម

ចូររំលឹកនៅពេលពួកដែលគ្មានជំនឿធ្វើ ឧបាយកលប្រឆាំងនឹងអ្នក ដើម្បីពួកគេនឹងបង្ខាំងអ្នក ឬពួកគេនឹងសំលាប់អ្នក ឬពួក គេនឹងបណ្តេញអ្នក។ ពួកគេធ្វើឧបាយកល ប៉ុន្តែអល់ឡោះក៏បង្កើតឧបាយកលដែរ ហើយ អល់ឡោះជាអ្នកមានយុទ្ធោបាយដ៏ប្រសើរបំផុត

កាលណាគេបានសូត្រឱ្យពួកគេ ស្តាប់នូវអាយ៉ាត់ៗរបស់យើង ពួកគេថា យើងប្រាកដជាបានឮ ប្រសិនបើយើងប្រាថ្នា យើងប្រាកដជាអាចពោលបានដូចអាយ៉ាត់គួរអាននេះដែរ។ គួរអាននេះគ្មានអ្វីក្រៅពី បុរាណនិទានឡើយ

ហើយនៅពេលពួកគេទាំងនោះបានពោលពាក្យបួងសួងថា ឱអល់ឡោះ! ប្រសិនបើរឿងនេះ គឺពិតមកពីលោកមែននោះ សូមលោកបង្អុរភ្លៀងពី មេឃជាដុំថ្មមកពីលើពួកយើងទៅចុះ ឬសូមលោកនាំមកកាន់ពួកយើងចុះ នូវទណ្ឌកម្ម ដ៏ខ្លោចផ្សាបំផុត