Surah Al-Anfal Ayahs #28 Translated in Khmer

បណ្តាពួកដែលមានជំនឿ! ចូរពួកអ្នកឆ្លើយទៅកាន់អល់ឡោះ និងទៅរ៉សូលរបស់លោក កាលណាលោកបានអំពាវនាវពួកអ្នកឆ្ពោះទៅកាន់អ្វីដែល ផ្តល់ជីវិតពេញលេញដល់ពួកអ្នក។ ចូរពួកអ្នកជ្រាបថា អល់ឡោះនៅពាំងយ៉ាងប្រាកដ រវាងបុគ្គលនិងចិត្តរបស់គេ ហើយគេពិតជានឹងគៀងគរពួកអ្នកឆ្ពោះទៅកាន់អល់ឡោះ យ៉ាងប្រាកដ

ចូរពួកអ្នកកោតញញើត នូវអន្តរាយយ៉ាងសំបើមមួយ ដែលពុំមែន នឹងប៉ះទង្គិចតែចំពោះពួកដែលប្រព្រឹត្តបំពារបំពាន ក្នុងចំណោមតែពួកអ្នកប៉ុណ្ណោះទេ ហើយចូរពួកអ្នកជ្រាបទៅថា អល់ឡោះពិតជាអ្នកដែលធ្វើទណ្ឌកម្មរឹងត្អឹងបំផុត

ហើយចូរពួកអ្នករំលឹកក្នុងពេលដែលពួកអ្នកមានគ្នាតិចតួចបំផុត ដែលត្រូវគេជិះជាន់ ទៅលើទឹកដីពួកអ្នក ខ្លាចមនុស្សម្នានឹងឆក់ដណ្តើមយកពួកអ្នក ខណៈនោះ លោកបាន ផ្តល់ទីជំរកដល់ពួកអ្នក លោកបានគាំទ្រពួកអ្នក ដោយជំនួយពីលោក ហើយលោកបាន ប្រទានដល់ពួកអ្នកនូវរីសគី ដែលមានរសជាតិល្អប្រសើរ ដើម្បីពួកអ្នកសំដែងកតញ្ញុតា

ឱបណ្តាពួកអ្នកដែលមានជំនឿ ចូរពួកអ្នកកុំក្បត់នឹងអល់ឡោះ និងរ៉សូល ហើយ ចូរកុំក្បត់ទាំងពួកអ្នកដឹងខ្លួន នូវទំនុកចិត្តដែលគេផ្ងើទុកដាក់លើពួកអ្នក

ចូរពួក អ្នកជ្រាបថា ទ្រព្យសម្បត្តិរបស់ពួកអ្នក និងបុត្រៗរបស់ពួកអ្នក គឺសុទ្ធតែជាការ សាកល្បងទាំងអស់។ អល់ឡោះ នៅឯលោកពិតជារង្វាន់ដ៏សម្បើម