Surah Al-Anaam Ayahs #54 Translated in Khmer

ថាទៅ យើងមិនដែលប្រាប់ពួកអ្នកថា រតនសម្បត្តិអល់ឡោះនៅ ឯយើងទេ យើងមិនដឹងពីអាថ៌កំបាំង ហើយយើងក៏មិនដែលប្រាប់ពួកអ្នកថា យើងជាម៉ាឡាអ៊ីកាត់ដែរ។ យើងគោរពតាមតែអ្វីដែលគេវ៉ាហ៊ីមកយើង។ ថា ទៅ តើជនខ្វាក់និងជនភ្នែកភ្លឺស្មើគ្នាឬ?។ តើពួកអ្នកមិនបានពិចារណាទេឬ?

ដោយគម្ពីរ ចូរអ្នកព្រមានពួកដែលខ្លាចគេប្រមូលពួកគេទៅម្ចាស់ពួក គេថា ក្រៅពីលោកពួកគេគ្មានអ្នកការពារទេ ហើយក៏គ្មានអ្នកជួយអន្តរាគមន៍ ដែរ។ សង្ឃឹមថា ពួកគេនឹងកោតខ្លាច

ចូរអ្នកកុំបណ្តេញពួកដែលបួង សួងសុំទៅម្ចាស់ពួកគេ ពេលព្រឹក និងល្ងាច ដែលពួកគេប្រាថ្នាការសោមនស្ស របស់ម្ចាស់។ មិនតម្រូវលើអ្នកបន្តិចឡើយ ឱ្យទទួលខុសត្រូវលើទង្វើពួកគេ ហើយក៏មិនតម្រូវលើពួកគេបន្តិចសោះឡើយ ឱ្យទទួលខុសត្រូវលើទង្វើរបស់ អ្នក។ ប្រសិនបើអ្នកបណ្តេញពួកគេ គឺអ្នកមានក្នុងចំណោមពួកបំពាន

ដូច្នេះ យើងបានសាកល្បងពួក(អ្នកមាន)ខ្លះ ដោយធៀបនឹងពួក(អ្នកក្រ)ខ្លះ ដើម្បីឱ្យពួកអ្នកមានថា តើពួកអ្នកក្រនេះឬ ដែលអល់ឡោះបានប្រទានការ អនុគ្រោះដល់ពួកគេក្នុងចំណោមពួកយើងនោះ? តើអល់ឡោះមិនដឹងពីពួក កតញ្ញូទេឬ?

កាលណាពួកដែលជឿនឹងអាយ៉ាត់ៗរបស់យើង បានមក ដល់អ្នក ចូរអ្នកថា សេចក្តីសុខលើពួកអ្នក។ ម្ចាស់របស់ពួកអ្នកបានចារឹក សេចក្តីមេត្តាលើរូបលោក។ ការពិតជនណាដែលក្នុងចំណោមពួកអ្នក បាន សាងអំពើអាក្រក់ដោយល្ងង់ខ្លៅ រួចជននោះ បានសោកស្តាយ បន្ទាប់ពី នោះមក ហើយបានកែលំអវិញ អល់ឡោះពិតជាអ្នកអភ័យទោសឱ្យ អាណិត អាសូរបំផុត