Surah Al-Anaam Ayahs #160 Translated in Khmer

ដើម្បីកុំឱ្យអ្នកទាំងឡាយនិយាយថា ការពិតគម្ពីរនេះ គេបានដាក់ ចុះមកតែទៅលើពីរក្រុមនៃពួកកាលពីមុនពួកយើងប៉ុណ្ណោះ ហើយអំពីការសិក្សារបស់ ពួកគេនោះ ពួកយើងពិតជាភ្លេចអស់ហើយ

ឬដើម្បីកុំឱ្យពួកអ្នកនិយាយថា ប្រសិន បើគេបានដាក់ចុះគម្ពីរនេះមកលើពួកយើងវិញ ពួកយើងប្រាកដជានឹងទទួលបានការនាំ ផ្លូវដ៏ប្រសើរជាងពួកគេ។ ការពិតបានមកដល់ទៅពួកអ្នកហើយ នូវសក្ខីកម្មការនាំផ្លូវ និងក្តីអាណិតអាសូរអំពីម្ចាស់ពួកអ្នក។ឱ្យ ដូច្នេះ តើជនណាដែលបំពារបំពានជាងអ្នកដែល បានមួលបង្កាច់នឹងភស្តុតាងទាំងឡាយរបស់អល់ឡោះ និងបានបែរងាកចេញពីភស្តុតាង ទាំងនេះ?។ យើងនឹងទូទាត់ឱ្យពួកដែលបែរងាកចេញពីអាយ៉ាត់ទាំងឡាយរបស់យើង ដោយអាក្រក់បំផុតនៃទណ្ឌកម្ម បណ្តាលមកពីអ្វីដែលពួកគេធ្លាប់បែរងាកចេញនោះ

តើពួកគេទាំងនោះនៅរង់ចាំអ្វី ក្រៅពីពពួកម៉ាឡាអ៊ីកាត់នឹងមកដល់ពួកគេ ឬទណ្ឌកម?ម្ចាស់ពួកគេនឹង មកដល់ ឬភស្តុតាងខ្លះរបស់ម្ចាស់ពួកគេនឹងមកដល់ នាថ្ងៃដែលភស្តុតាងខ្លះរបស់ម្ចាស់អ្នកនឹងមក ដល់នោះ គឺនឹងគ្មានប្រយោជន៍ឡើយចំពោះបុគ្គលម្នាក់ៗ នូវជំនឿរបស់ខ្លួន ដែលខ្លួនមិនដែលបាន ជឿសោះពីមុនមក ឬនៅក្នុងជំនឿរបស់ខ្លួននោះ ខ្លួនមិនដែលបានខិតខំសាងកុសលមួយសោះ។ ចូរអ្នកថា ចូរពួកអ្នករង់ចាំទៅ យើងក៏ពិតជាអ្នករង់ចាំមើលដែរ

ជាការពិតណាស់ បណ្តាអ្នក ដែលបានបំបែកសាសនាពួកគេ ហើយពួកគេបានក្លាយជាច្រើននិកាយនោះ អ្នកពុំមែនស្ថិតក្នុង ចំណោមពួកគេបន្តិចសោះឡើយ ការពិតការងាររបស់ពួកគេ ឆ្ពោះទៅកាន់អល់ឡោះតែប៉ុណ្ណោះ ក្រោយមក លោកនឹងជូនដំណឹងទៅពួកគេ នូវអ្វីដែលពួកគេធ្លាប់អនុវត្ត

ជនណាបាននាំមក នូវកុសល ជននោះត្រូវបានដប់ដង នៃសមាមាត្ររបស់កុសលនោះ។ ជនណាបាននាំមកនូវអកុសល គេឥតមានទូទាត់អ្វីក្រៅពីសមាមាត្ររបស់អកុសលនោះឡើយ ហើយគេឥតមានប្រព្រឹត្តអយុត្តិធម៌ ចំពោះពួកគេឡើយ