Surah Al-Anaam Ayahs #146 Translated in Khmer

ក្នុងចំណោមសត្វ ពាហនៈមានខ្លះសំរាប់ដឹកជញ្ជូន និងខ្លះសំរាប់ជាផលប្រយោជន៍ផ្សេងៗ ចូរ អ្នកបរិភោគនូវចំណីអាហារ ដែលអល់ឡោះបានប្រទានពួកអ្នក ចូរកុំប្រតិបត្តិ តាមជំហានៗស្ហៃតន។ ស្ហៃតនពិតជាសត្រូវដ៏ជាក់ច្បាស់ចំពោះពួកអ្នក

(សត្វពាហនៈ)ប្រាំបីក្បាលជាគូៗ នៃសត្វចៀមពីរក្បាល និងសត្វពពែពីរក្បាល។ ចូរអ្នកសួរទៅថា តើជាសត្វឈ្មោលទាំងពីរ ដែលអល់ឡោះបានហាមឃាត់ ឬក៏ជាសត្វញីទាំងពីរ ឬក៏សត្វដែលបានផ្ទុកវាដោយស្បូនសត្វញីទាំងពីរនេះ? ចូរពួកអ្នកប្រាប់យើងមកតាមការចេះដឹង បើពួកអ្នកជាអ្នកសច្ចៈមែន

ហើយ??នៃសត្វអូដ្ឋពីរក្បាល និងសត្វគោពីរក្បាល។ ចូរអ្នកសួរទៅថាៈ តើជា សត្វឈ្មោលទាំងពីរដែលអល់ឡោះបានហាមឃាត់ ឬក៏ជាសត្វញីទាំងពីរ ឬក៏ សត្វ???ដែលបានផ្ទុកវាដោយស្បូនសត្វញីទាំងពីរនេះ។ ឬមួយពួកអ្នកជាសាក្សី ក្នុងពេលដែលអល់ឡោះបានបង្គាប់ទៅពួកអ្នកក្នុងរឿងនេះ? តើជនណាដែល អយុត្តិធម៌ជាងអ្នកដែលបានប្រឌិតតទល់នឹងអល់ឡោះ ដោយភូតកុហក ដើម្បី បំភ័ន្តវង្វេងមនុស្សទាំងឡាយ ដោយគ្មានផ្អែកទៅលើចំណេះដឹងបន្តិចសោះ។ អល់ឡោះពិតជានឹងមិនមគ្គុទ្ទេសមនុស្សអយុត្តិធម៌ឡើយ

ចូរអ្នកស្រដី ទៅថាៈ នៅក្នុងអ្វីដែលគេបានវ៉ាហ៊ីមកយើងនេះ យើងឥតមានឃើញគេហាម ឃាត់ចំពោះអ្នកបរិភោគណាម្នាក់មិនឱ្យបរិភោគនោះឡើយ លើកលែងតែ ករណីជាសត្វស្លាប់ ឬជាឈាមដែលហូរ ឬជាសាច់ជ្រូក ពីព្រោះវាពិតជា កខ្វក់ ឬជាអំពើខិលខូច (ខុសច្បាប់ឥស្លាម) ដោយគេបានសំឡេះសត្វក្នុងនាម ក្រៅពីអល់ឡោះ ជនណាដែលត្រូវបានបង្ខំចិត្ត ដោយខ្លួនមិនមែនជាអ្នកចង់ ប្រព្រឹត្ត ហើយក៏មិនមែនជាអ្នកចង់រំលោភបំពាន ម្ចាស់របស់អ្នកពិតជាអ្នក ដែលអត់អោនឱ្យ ជាអ្នកអាណិតអាសូរក្រៃលែង

ចំពោះពួកយ៉ាហ៊ូទ វិញ យើងបានហាមឃាត់រាល់សត្វដែលមានក្រចកជាប់គ្នា ហើយពីសត្វគោ និងសត្វពពែ យើងបានហាមឃាត់ពួកគេ នូវខ្លាញ់របស់វា លើកលែងតែខ្លាញ់ ដែលមានជាប់នៅឯខ្នងរបស់ពួកវា ឬពោះវៀនពោះតាំង ឬខ្លាញ់ដែលបាន ស្អិតជាប់នឹងឆ្អឹង ទាំងអស់នេះ គឺយើងបានធ្វើទណ្ឌកម្មទៅពួកគេ ដោយភាព ឃោរឃៅរបស់ពួកគេ។ ជាការពិតណាស់ យើងជាអ្នកដែលសច្ចៈបំផុត