Al-Quran 6:127 - Surah Al-Anaam Ayah #127 - Sindhi Translation

6:126

وَهَٰذَا صِرَاطُ رَبِّكَ مُسْتَقِيمًا ۗ قَدْ فَصَّلْنَا الْآيَاتِ لِقَوْمٍ يَذَّكَّرُونَ

۽ تنھنجي پالڻھار جي اِھا سِڌي واٽ آھي، بيشڪ اسان نشانيون انھيءَ قوم لاءِ کولي بيان ڪيون آھن جي نصيحت مڃيندا آھن

6:127

لَهُمْ دَارُ السَّلَامِ عِنْدَ رَبِّهِمْ ۖ وَهُوَ وَلِيُّهُمْ بِمَا كَانُوا يَعْمَلُونَ

اُنھن لاءِ سندن پالڻھار وٽ بھشت آھي ۽ اُھو سندن سنڀاليندڙ آھي (ھي سڀ) انھيءَ ڪري (آھي) جو (چڱا) ڪم ڪندا ھئا

6:128

وَيَوْمَ يَحْشُرُهُمْ جَمِيعًا يَا مَعْشَرَ الْجِنِّ قَدِ اسْتَكْثَرْتُمْ مِنَ الْإِنْسِ ۖ وَقَالَ أَوْلِيَاؤُهُمْ مِنَ الْإِنْسِ رَبَّنَا اسْتَمْتَعَ بَعْضُنَا بِبَعْضٍ وَبَلَغْنَا أَجَلَنَا الَّذِي أَجَّلْتَ لَنَا ۚ قَالَ النَّارُ مَثْوَاكُمْ خَالِدِينَ فِيهَا إِلَّا مَا شَاءَ اللَّهُ ۗ إِنَّ رَبَّكَ حَكِيمٌ عَلِيمٌ

۽ جنھن ڏينھن اُنھن مڙني کي گڏ ڪندو (چوندو) تہ اي جنن جون ٽوليون! بيشڪ ماڻھن مان گھڻا پنھنجا (تابع) ڪيا ھيوَ، ۽ ماڻھن مان سندن سنگتي چوندا تہ اي اسان جا پالڻھار! اسان منجھان ھڪڙن ٻـين کان فائدو ورتو ۽ اُنھيءَ پنھنجي مقرر مدت کي پُھتاسون جيڪا تو اسان لاءِ مقرر ڪئي ھئي، (الله) چوندو تہ اوھان جو رھڻ جو ھنڌ دوزخ آھي جيسين الله گھريو تيسين منجھس سدائين رھندڙ ھجو، بيشڪ تنھنجو رب حڪمت وارو ڄاڻندڙ آھي

6:129

وَكَذَٰلِكَ نُوَلِّي بَعْضَ الظَّالِمِينَ بَعْضًا بِمَا كَانُوا يَكْسِبُونَ

۽ اھڙيءَ طرح ظالمن مان ڪن کي ڪن تي جيڪي ڪندا آھن تنھن (جي شامت) سببان غالب ڪندا آھيون

6:130

يَا مَعْشَرَ الْجِنِّ وَالْإِنْسِ أَلَمْ يَأْتِكُمْ رُسُلٌ مِنْكُمْ يَقُصُّونَ عَلَيْكُمْ آيَاتِي وَيُنْذِرُونَكُمْ لِقَاءَ يَوْمِكُمْ هَٰذَا ۚ قَالُوا شَهِدْنَا عَلَىٰ أَنْفُسِنَا ۖ وَغَرَّتْهُمُ الْحَيَاةُ الدُّنْيَا وَشَهِدُوا عَلَىٰ أَنْفُسِهِمْ أَنَّهُمْ كَانُوا كَافِرِينَ

۽ اي جنن ۽ ماڻھن جون ٽوليون! اوھان مان اوھان وٽ پيغمبر نہ آيا ھئا ڇا؟ جو منھنجون آيتون اوھان تي پڙھيائون ٿي ۽ ھن ڏينھن جي آڏي ٿيڻ کان اوھان کي ڊيڄاريائون ٿي، چوندا تہ پاڻ تي شاھدي ڏنيسون ۽ کين دنيائي حياتيءَ ٺڳيو ھو ۽ (ھاڻي) پاڻ تي شاھدي ڏنائون تہ پاڻ ڪافر ھئا

Surah Al-Anaam Ayahs #130 Translated in Sindhi

Choose other languages: