Surah Yusuf Ayahs #31 Translated in Khmer

ប៉ុន្តែបើអាវរបស់យូសុហ្វមានរហែកពីខាង ក្រោយ គឺនាងបានភូតកុហក ហើយយូសុហ្វក្នុងចំណោមពួកអ្នកនិយាយត្រង់

លុះ នៅពេលដែលចៅហ្វាយបានឃើញអាវរបស់យូសុហ្វមានរហែកពីខាងក្រោយ គាត់ថា ការពិតវាគឺជាភាគខ្លះនៃល្បិចកលរបស់ពួកនាង ។ ល្បិចកលរបស់ពួកនាង គឺពិតជាធំ ធេងបំផុត

នែ៎យូសុហ្វ! ចូរអ្នកបំភ្លេចរឿងនេះចោលទៅ រីឯចំណែកនាងចូរសុំ អភ័យទោសចំពោះបាបកម្មនាង ។ នាងគឺពិតជាមានក្នុងចំណោមពួកដែលធ្វើខុសឆ្គង

រួចមកពួកនារីនៅក្នុងទីក្រុងបាននិយាយថា ភរិយារបស់លោកអាហ្សីស បានលួង លោមអ្នកបំរើខ្លួនឯងពីរូបរបស់គេ ជាការពិតណាស់ មនោសញ្ចោតនារបស់នាង គឺ ស្រលាញ់ងប់។ ពួកយើងពិតជាឃើញនាងស្ថិតក្នុងការភាន់ច្រលំមួយដ៏ច្បាស់បំផុត

លុះនៅពេលដែលនាងបានឮនូវអន្ទងវញ្ចនា (ការចោទប្រកាន់) របស់ពួកនាង នាងក៏បានចាត់បញ្ជូនទៅពួក នាង ហើយនាងរៀបចំសំរាប់ពួកនាងនូវបន្ទប់ទទួលភ្ញៀវមួយ រួចមកនាងបានផ្តល់ទៅគ្រប់រូប ក្នុងចំណោម ពួកនាងនូវកាំបិតមួយម្នាក់ រួចមកនាងថា ចូរយូសុហ្វចេញទៅកាន់ពួកទាំងនោះទៅ។ លុះនៅពេលដែល ពួកនាងបានឃើញយូសុហ្វ ពួកនាងស្រឡាំងកាំងចំពោះយូសុហ្វ ហើយពួកនាងក៏បានកាត់ដៃពួកនាង ផ្ទាល់់ រួចមកពួកនាងបានថា មហាបរិសុទ្ធអល់ឡោះ នេះគឺពុំមែនជាមនុស្សទេ។ នេះគឺគ្មានអ្វីក្រៅពី ម៉ាឡាអ៊ីកាត់ម្នាក់ដ៏ល្អប្រណីតបំផុត