Surah Yunus Ayahs #73 Translated in Khmer

ចូរស្រដីចុះថា ពួកដែលបានមួលបង្កាច់ទៅលើ អល់ឡោះនោះ ពិតជានឹងមិនឈ្នះសោះឡើយ

ការត្រេកត្រអាល មាននៅក្នុងលោកិយ ក្រោយមក ឆ្ពោះទៅកាន់យើង គឺជាទីវិល ត្រលប់របស់ពួកគេ ក្រោយមក យើងឱ្យពួកគេភ្លក្សរសជាតិទណ្ឌកម្ម ដ៏តឹងរ៉ឹងបំផុត ដោយសារតែអ្វីដែលពួកគេធ្លាប់បានអជំនឿនោះ

ចូរអ្នកសូត្រទៅលើពួកគេ នូវព្រឹត្តការណ៍ណូហ៍ នៅពេលដែលគាត់និយាយទៅកាន់ក្រុមមនុស្ស គាត់ថា នែក្រុមរបស់យើង ប្រសិនបើឋានៈរបស់យើង និងការក្រើនរំលឹករបស់យើងនឹង អាយ៉ាត់ៗអល់ឡោះនោះ វាបានធ្ងន់ធ្ងរទៅលើពួកអ្នក គឺលើអល់ឡោះ យើងប្រគល់ខ្លួន ដូច្នេះ ចូរពួកអ្នកប្រមូលផ្តុំផែនការរបស់ពួកអ្នក និងវត្ថុស៊ីរិករបស់ពួកអ្នក ក្រោយមក ផែនការរបស់ពួក អ្នក គ្មានការបិទបាំងលើពួកអ្នកឡើយ ក្រោយមកទៀត ចូរពួកអ្នកសំរេចមកកាន់យើងចុះ ហើយ ពួកអ្នកមិនបាច់ពន្យារពេលឱ្យយើងទៀតឡើយ

បើពួកអ្នកបានបែរចេញ ក៏យើងឥតមានស្នើ សុំដល់អ្នក នូវរង្វាន់ណាមួយដែរ។ រង្វាន់យើង គឺនៅលើអល់ឡោះតែប៉ុណ្ណោះ។ យើងត្រូវបាន គេបញ្ជាឱ្យយើង មានក្នុងចំណោមពួកគោរព

រួចមក ពួកគេបានមួលបង្កាច់ចំពោះណូហ៍ យើងបានសង្គ្រោះណូហ៍ និងអ្នកដែលមានរួមជាមួយគាត់នៅក្នុងនាវា ហើយយើងបានចាត់ ទុកពួកគេ ជាខលីហ្វះទាំងឡាយ ហើយយើងបានពន្លិចពន្លង់ចំពោះពួកដែលបានបដិសេធនឹង អាយ៉ាត់ៗយើង។ ដូច្នេះ ចូរអ្នកពិនិត្យមើល តើទីបញ្ចប់របស់ពួកដែលត្រូវគេព្រមានបានក្លាយទៅ ជាយ៉ាងដូចម្តេច?