Surah Saba Ayahs #6 Translated in Khmer

លោកដឹងអ្វីដែល ជ្រាបចូលក្នុងដី និងអ្វីដែលនឹងចេញពីដី ព្រមទាំងអ្វីដែលនឹងចុះពីមេឃទាំងឡាយ និងអ្វីដែលនឹងឡើងទៅលើមេឃវិញ។ ហើយលោកជាអ្នកអាណិតអាសូរបំផុត ជាអ្នកអភ័យទោសបំផុត

ពួកដែលមិនព្រមជឿនិយាយថា អវសានលោកនឹង មិនមកដល់ពួកយើងទេ។ ចូរថាទៅ តាមពិតសច្ចាក្នុងនាមម្ចាស់យើង ដែលជាអ្នក ដឹងអាថ៌កំបាំងអវសានលោក ប្រាកដជានឹងមកដល់ពួកអ្នក។ វត្ថុទំងន់អាតូមនឹង មិនអាចរត់គេចពីលោកបានឡើយ ហើយក៏មិនអាចដែរនៅឯដី ហើយក៏មិនអាច ដែរ អ្វីដែលតូចជាងនេះទៅទៀត ហើយក៏មិនអាចដែរអ្វីដែលធំជាងនោះ។ គឺសុទ្ធ តែមាននៅក្នុងកំនត់ត្រាដ៏ជាក់ច្បាស់

ដើម្បីលោកនឹងជូនរង្វាន់ពួកដែលបានជឿ និងបានសាងកុសលទាំងឡាយ ពួកទាំងអស់នេះហើយ ដែលសម្រាប់ពួកគេ គឺ ការអភ័យទោសឱ្យ និងអាហារមួយដ៏ថ្លៃថ្នូរ

ហើយពួកដែលបានខ្នះខ្នែង ដើម្បី យកឈ្នះអាយ៉ាត់ៗរបស់យើង។ ពួកទាំងនោះហើយ ដែលសម្រាប់ពួកគេ គឺទណ្ឌកម្ម មួយពីការផ្តន្ទាទោសមួយដ៏ខ្លោចផ្សាបំផុត

ពួកដែលត្រូវបានគេផ្តល់ជូននូវ តំរិះវិជ្ជាកំពុងតែមើលឃើញ នូវអ្វីដែលគេបានដាក់ចុះទៅកាន់អ្នកមកពីម្ចាស់អ្នក គឺសច្ចៈពិត ហើយគេមគ្គុទ្ទេសឆ្ពោះទៅកាន់ផ្លូវម្ចាស់ ដែលមានពលានុពលបំផុត ត្រូវកោតសរសើរបំផុត