Surah Ibrahim Ayahs #38 Translated in Khmer

ហើយលោកបានផ្តល់ឱ្យពួកអ្នក នៃគ្រប់អ្វីដែលពួកអ្នកបានស្នើសុំទៅលោក។ ហើយ ប្រសិនបើអ្នករាប់គិតនូវការុណភាពរបស់អល់ឡោះ ពួកអ្នកនឹងរាប់មិនអស់ឡើយ។ ការពិតមនុស្សពិតជាអ្នកដែលអយុត្តិធម៌បំផុត ហើយអជំនឿទៀតផង

ហើយនៅ ពេលអ៊ីព្រហ៊ីមបានបួងសួងថា ឱម្ចាស់! សូមលោកមេត្តាចាត់ដល់ប្រទេសនេះ នូវសុខ សន្តិភាពមួយ ហើយសូមលោកបញ្ចៀសខ្ញុំនិងបុត្រាៗរបស់ខ្ញុំ ពីករណីដែលយើងនឹង ប្រណិប័តន៍រូបបដិមា

ឱម្ចាស់របស់ខ្ញុំ! បដិមាៗ ពិតជាបានបន្សាត់វង្វេងភាគច្រើន នៃមនុស្ស ដូច្នេះ អ្នកណាដែលបានធ្វើតាមខ្ញុំ អ្នកនោះគឺពិតជាសម្ព័ន្ធមិត្តខ្ញុំ ហើយអ្នក ណាដែលមិនស្តាប់ឱវាទខ្ញុំ លោកពិតជាអ្នកដែលអភ័យទោស ព្រមទាំងអាណិតអាសូរ បំផុត

ឱម្ចាស់របស់យើង! ខ្ញុំពិតជាបានទុកដាក់ភាគខ្លះនៃកូនចៅរបស់ខ្ញុំ នៅឯ ជ្រលងភ្នំមួយ ដែលគ្មានដំណាំមួយទេ គឺនៅក្បែរសន្តៈគេហដ្ឋានរបស់លោក។ ឱម្ចាស់ របស់យើង! ដើម្បីពួកគេបញ្ឈរសឡាតិ៍ សូមលោកមេត្តាធ្វើឱ្យទឹកចិត្តមនុស្សខ្លះ ទោរ ទន់ទៅរកពួកគេផង ហើយសូមលោកផ្តល់អាហារឱ្យពួកគេនៃផលានុផល សង្ឃឹមថា ពួកគេនឹងសម្តែងឧបការគុណ

ឱម្ចាស់របស់យើង! លោកពិតជាអ្នកដែលដឹងនូវអ្វី ដែលយើងបានលាក់លៀម និងអ្វីដែលយើងលាតបង្ហាញ។ គ្មានវត្ថុណាមួយដែលនឹង កំបាំងពីអល់ឡោះឡើយ ទាំងនៅឯដី ហើយក៏គ្មានដែរទាំងនៅឯមេឃ