Surah Ghafir Ayahs #11 Translated in Khmer

ពួកដែលកំពុងទ្រអារ៉ស្ស ហើយនឹងអ្នកដែលនៅជុំវិញ អារ៉ស្ស ពួកគេទាំងនេះ កំពុងសូត្រធម៌បរិសុទ្ធដោយការសរសើរម្ចាស់ពួកគេ ហើយពួកគេជឿនឹងលោក ហើយសុំអភ័យទោសឱ្យពួកដែលបានជឿ ឱម្ចាស់ពួកយើង លោកបានទូលំទូលាយ ចំពោះរាល់វត្ថុទាំងអស់ផ្នែកខាងក្តីអាណិតស្រលាញ់ និងការដឹង ដូចនេះ សូមលោក អភ័យទោសផង ឱ្យពួកដែលបានសារភាព និងបានគោរពតាមផ្លូវរបស់លោក ហើយសូមលោកការពារពួកគេផង នូវទណ្ឌកម្មរបស់នរកដ៏សន្ធោសន្ធៅ

ឱម្ចាស់ពួកយើង ហើយសូមលោកមេត្តាបញ្ចូលពួកគេទៅឋានសួគ៌ាដ៏រមណី (អាត់និន) ផង ដែលលោកបានសន្យាចំពោះពួកគេ និងចំពោះពួកអ្នកដែលបានសាងអំពើកុសល ក្នុង ចំណោមជីដូនជីតារបស់ពួកគេ និងភរិយារបស់ពួកគេ និងកូនចៅរបស់ពួកគេ។ ការពិត លោកជាអ្នកដែលមានឥទ្ធិពល ជាអ្នកមហាគតិបណ្ឌិត

ហើយសូមលោកការពារពួក គេផង នូវអកុសលទាំងឡាយ។ ហើយជនណាដែលលោកការពារ នូវអកុសលទាំងឡាយ នៅថ្ងៃនោះ លោកពិតជាបានអាណិតស្រឡាញ់ជននោះ។ នេះគឺជាជោគជ័យដ៏ធំក្រៃ លែង

ពួកដែលបានអជំនឿ គេពិតជានឹងស្រែកប្រកាសចំពោះពួកគេថា ការខឹងសម្បា របស់អល់ឡោះ ពិតជាធំជាងការខឹងសម្បារបស់ពួកអ្នកចំពោះខ្លួនពួកអ្នកផ្ទាល់ នៅពេល ដែលគេអំពាវនាវពួកអ្នកទៅកាន់ការជំនឿ ពេលនោះពួកអ្នកបែរជាអជំនឿទៅវិញ

ពួកគេថា ឱម្ចាស់របស់ពួកយើង លោកបានធ្វើឱ្យពួកយើងស្លាប់ពីរដង ហើយលោកបាន ធ្វើឱ្យពួកយើងរស់ពីរដង ពេលនេះពួកយើងបានទទួលស្គាល់ហើយនូវបាបកម្មពួកយើង ហេតុនេះ តើមានផ្លូវមធ្យោបាយមួយចេញដែរឬទេ?