Surah Fatir Ayahs #40 Translated in Khmer

រីឯពួកដែលមិនបានជឿ សម្រាប់ពួកគេ គឺនរកឆាបឆេះ គេនឹងមិន កាត់ក្តីទៅលើពួកគេ រហូតពួកគេនឹងត្រូវស្លាប់នោះទេ ហើយគេក៏មិនសំរាលពីពួកគេ នូវទារុណកម្មនរកនោះដែរ ប្រៀបដូចនេះហើយ ដែលយើងនឹងទូទាត់ឱ្យនូវរាល់អ្នក ដែលរមិលគុណ

ហើយពួកគេនឹងស្រែកចណ្ទាលនៅក្នុងនរក ឱម្ចាស់របស់យើង! សូមលោកមេត្តាបញ្ចោញពួកយើងទៅវិញ ពួកយើងប្រាកដជានឹងសាងកុសល ក្រៅពី អ្វីដែលពួកយើងធ្លាប់បានសាង តើយើងមិនទាន់បន្លាយអាយុជីវិតពួកអ្នកទេឬ? ដើម្បី នឹងរលឹកចំពោះអ្នកដែលចង់រលឹក ហើយអ្នកផ្សាយដំណឹងរន្ធត់ ក៏បានទៅដល់ពួកអ្នក ដែរ ដូចនេះ សូមពួកអ្នកភ្លក្សចុះ រួចចំពោះពួកដែលរំលោភបំពាន គ្មានអ្នកណាម្នាក់ ជួយគាំពារ់ទេ

ជាការពិតណាស់ អល់ឡោះជាអ្នកដែលដឹងអាថ៌កំបាំងមេឃ និង ដី។ ជាការពិតណាស់លោកជាអ្នកដែលដឹងបំផុត នូវអ្វីដែលមានក្នុងទ្រូងទាំងឡាយ

លោកដែលបានចាត់ពួកអ្នកជាអ្នកគ្រប់គ្រងនៅឯដី។ ដូចនេះ ជនណាដែលបានអជំនឿ ការអជំ នឿរបស់ជននោះ ត្រូវធ្លាក់ទៅលើជននោះផ្ទាល់។ ហើយអជំនឿរបស់ពួកគេនឹងមិនចំរើនអ្វីដល់ ពួកដែលអជំនឿ នៅឯម្ចាស់របស់ពួកគេក្រៅពីអប្រិយប៉ុណ្ណោះ។ ហើយអជំនឿរបស់ពួកគេនឹង មិនចំរើនអ្វីទៅពួកដែលអជំនឿក្រៅពីខាតបង់ប៉ុណ្ណោះ

ថាទៅ តើពួកអ្នកមិនបានឃើញទេ ឬ ចំពោះវត្ថុស៊ីរិកទាំងឡាយដែលពួកអ្នកបួងសួងក្រៅពីអល់ឡោះនោះ? សូមពួកអ្នកបង្ហាញឱ្យ យើងមើល តើអ្វីខ្លះដែលពួកគេបង្កើតពីភាគខ្លះនៃដី? ឬក៏ពួកគេមានចំណែកហ៊ុនណាមួយ នៅឯ មេឃទាំងឡាយ? ឬមួយយើងបានផ្តល់ទៅឱ្យពួកគេនូវគម្ពីរណាមួយ រួចពួកគេស្ថិតនៅលើភស្តុ តាងៗពីគម្ពីរនោះ។ គ្មានទេ! ការពិតពួកអយុត្តិធម៌ភាគខ្លះនៃពួកគេគ្មានសន្យាអ្វីទៅកាន់ភាគខ្លះ ទៀត ក្រៅពីការបោកបញ្ឆោតឡើយ