Surah Fatir Ayahs #22 Translated in Khmer

ហើយអ្នកដែលធ្វើបាបកម្មម្នាក់ៗនឹងមិនអាច រែកបាបកម្មនូវបាបកម្មអ្នកផ្សេងបានឡើយ។ ហើយប្រសិនបើអ្នកដែលត្រូវផ្ទុកធ្ងន់នៃ បាបកម្មណាម្នាក់ ហៅគេឱ្យជួយទ្របន្ទុករបស់វា ក៏គេនឹងមិនអាចទ្រពីបន្ទុកនោះ បន្តិចសោះឡើយ ទោះបីជននោះជាសាច់ញាតជិតក៏ដោយ។ ការពិតអ្នកគ្រាន់តែ ដាស់តឿនប៉ុណ្ណោះ ចំពោះពួកអ្នកដែលកំពុងកោតខ្លាចម្ចាស់របស់ពួកគេដោយអាថ៌ កំបាំង ហើយពួកគេបានបញ្ឈរសឡាតិ៍។ ជនណាដែលបានសំអាត គឺគេពិតជាបាន សំអាត សម្រាប់ខ្លួនគេផ្ទាល់ប៉ុណ្ណោះ ហើយឆ្ពោះទៅអល់ឡោះ គឺកន្លែងវិលត្រឡប់

ហើយអ្នកខ្វាក់និងអ្នកមើលឃើញមិនស្មើគ្នាទេ

ហើយភាពងងឹតទាំងឡាយ និងរស្មី ភ្លឺថ្លាក៏មិនស្មើគ្នាដែរ

ហើយក៏មិនស្មើគ្នាដែរម្លប់ស្រមោលនិងកណ្តាលថ្ងៃក្តៅ

ហើយពួកអ្នកមានជីវិត និងពួកអ្នកស្លាប់ទាំងឡាយក៏មិនស្មើគ្នាដែរ អល់ឡោះពិតជាអាច ឱ្យឮដល់អ្នកដែលលោកប្រាថ្នា ហើយអ្នកក៏ពុំមែនជាអ្នកដែលអាចឱ្យឮដល់ជនដែលស្ថិត នៅក្នុងផ្នូរទាំងឡាយបានឡើយ