Surah An-Nisa Ayahs #11 Translated in Khmer

បុរសទាំងឡាយមានចំណែកមួយនៃអ្វីដែលបានបន្សល់ទុកដោយមាតាបិតា និងញាតិដែលទទួលទ្រព្យមរតក។ នារីៗមានចំណែកមួយនៃអ្វីដែលបានបន្សល់ទុកដោយមាតាបិតា និងញាតិដែលទទួលទ្រព្យមរតកទោះបីតិច ឬ ច្រើននៃមរតកនោះក៏ដោយ។ជាចំណែកមួយដែលគេតម្រូវ

ប្រសិនបើកាលណាពេលចែកមានវត្តមានដោយញាតិជិត (ពួកគ្មានចំណែកមរតក) កុមារកំព្រានិងជនក្រីក្រ ចូរពួកអ្នកផ្តល់ជាអាហារទៅពួកគេពីមរតកនោះ ហើយចូរពួកអ្នកនិយាយទៅកាន់ពួកគេនូវពាក្យសំដីដ៏សមរម្យ

ចូរឱ្យពួក (អាណាព្យាបាល)កោតខ្លាចបើពួកគេបន្សល់ទុកកូនចៅតូចៗនៅពីក្រោយរបស់ពួកគេ ពួកគេបារម្ភពីកូនចៅពួកគេ។ ហេតុនេះចូរពួកគេគោរពកោតខ្លាចអល់ឡោះ ហើយចូរពួកគេនិយាយនូវពាក្យសំដីដ៏ត្រឹមត្រូវបំផុត

ការពិតពួកដែលស៊ីទ្រព្យសម្បត្តិកុមារកំព្រោដាយបំពាន​ តាមពិតពួកគេស៊ីភ្លើង ចូលទៅក្នុងពោះពួកគេ ហើយពួកគេនឹងចូលនរកឆាបឆេះ

អល់ឡោះ ដាក់បង្គាប់ពួកអ្នកក្នុងរឿងកូនចៅរបស់ពួកអ្នក។ បុរសម្នាក់ត្រូវបានស្មើនឹងចំណែកនារីពីរនាក់។ បើពួកគេជានារីលើសពីពីរនាក់ គឺពួកគេត្រូវបានពីរ ភាគបីនៃអ្វីដែលបានបន្សល់ទុក។ តែបើជានារីតែម្នាក់ គឺនាងត្រូវបានពាក់កណ្តាល។ ចំពោះមាតាបិតាសពគឺម្នាក់ៗក្នុងចំណោមទាំងពីរនាក់ ត្រូវបានមួយភាគប្រាំមួយនៃអ្វីដែលបានបន្សល់ទុក បើសពនោះមានកូនប្រុស។ ប៉ុន្តែ បើសពនោះគ្មានកូនប្រុស មាតាបិតាសពត្រូវបានទទួលមរតកពីសព គឺមាតាត្រូវបានមួយភាគបី។ បើសពនោះមានបងប្អូនច្រើននាក់ គឺមាតាសពត្រូវបានមួយភាគប្រាំមួយ បន្ទាប់ពីការផ្តាំផ្ញើដែលសពបានផ្តាំផ្ញើឬសងបំណុល។ មាតាបិតារបស់ពួកអ្នកនិងកូនចៅរបស់ពួកអ្នក ពួកអ្នកមិនបានដឹងទេថាអ្នកណាមួយដែលមានផលប្រយោជន៍ច្រើនសម្រាប់ពួកអ្នក។ ជាការតម្រូវ មួយពីអល់ឡោះ។ ការពិតអល់ឡោះជាអ្នកដឹងបំផុតមហាគតិបណ្ឌិត